Mindetti áleýmettik meditsinalyq saqtandyrý júiesi qańtar-naýryz aralyǵynda dárigerlerge ústemeaqy tóleýge qansha qarajat jumsaǵany belgili boldy, dep habarlaidy QazAqparat.
Bul týraly Áleýmettik meditsinalyq saqtandyrý qorynyń basqarma tóraǵasy Bolat Tókejanov Ortalyq kommýnikatsiialar qyzmetinde ótken brifingide aitty.
«Premer-Ministrdiń orynbasary Eraly Toǵjanov depýtattyq saýalǵa bergen jaýabynda aitylǵandai, Densaýlyq saqtaý sýbektileriniń koronavirýspen kúreske tartylǵan qyzmetkerlerine ústemeaqy tóleý úshin kepildendirilgen tegin meditsinalyq kómek jáne mindetti áleýmettik meditsinalyq saqtandyrý qarajaty esebinen ondaǵan, tipti júzdegen mlrd teńge jumsalǵan. Qazirgi ýaqytta qordan pandemiiamen kúresýge qansha qarajat jumsalyp jatyr», - dep surady BAQ ókilderi.
Bolat Tókejanov MÁMS júiesi ótken jyldyń naýryz aiynan bastap dárigerlerge yntalandyrý tólemderin bóle bastaǵanyn eske saldy.
