Biyl 1,3 mln adam jumyspen qamtýdyń ártúrli sharalarymen qamtylady. Bul týraly Úkimettiń keńeitilgen otyrysynda Premer-Ministr Asqar Mamin aitty, dep habarlaidy "Ult aqparat".
«Úkimet biyl halyqty jumyspen qamtý jáne tabysyn arttyrý maqsatynda memleket midetteri keshenin aiqyndady. 1,3 mln adam jumyspen qamtýdyń ártúrli sharalarymen qamtylady. Bul jumyssyzdyq deńgeiin 4,9 paiyzǵa deiin tómendedi. «Jumyspen qamtý jol kartasy» jumysy júzege asyrylýyn jalǵastyrady. Bul rette turaqty jumys oryndaryn qurýǵa basa mán beriledi. Eńbek naryǵyn jańa jaǵdaiǵa beiimdeý úshin jumyspen qamtýdyń jańa túrleri engiziledi» - dedi Asqar Mamin.
Onyń atap ótýinshe, ekonomikada qurylatyn jumys oryndary esebin tolyq júrgizý úshin jumyspen qamtýdyń óńirlik jol kartalary jasalady. Eńbek naryǵyn damytýdyń 2021-2027 jyldarǵa arnalǵan jospar ázirlenedi
«Biyl biýdjet salasyndaǵy 1 mln-nan astam jumyskerdiń jalaqysy ósedi», - dedi Úkimet basshysy.
