Batys Qazaqstan oblysynda biyl qarjylandyrýdyń barlyq kózderi esebinen 523 myń sharshy metr nemese 4600 turǵyn úi salý mindeti tur, dep habarlaidy "Ult aqparat" QR Indýstriia jáne infraqurylymdyq damý ministrliginiń baspasóz qyzmetine silteme jasap.
Biylǵy I toqsanda salaǵa 7,1 mlrd teńge investitsiia salynyp, jalpy aýdany 77,5 myń sharshy metr bolatyn 568 turǵyn úi paidalanýǵa berildi. Onyń ishinde – 487 jeke úi.
Jalpy biyl «Nurly jer» memlekettik baǵdarlamasy sheńberinde batys Qazaqstan oblysynda injenerlik-kommýnikatsiialyq infraqurylym jáne turǵyn úi qurylysyna 18,6 mlrd teńgege 41 joba iske asyrylyp, 845 adam jumyspen qamtylady.
Kredittik nemese satyp alý quqyǵynsyz jalǵa beriletin 1763 páterdi paidalanýǵa berý josparlanyp otyr.
Onyń ishinde satyp alý quqyǵynsyz jalǵa beriletin turǵyn úi qurylysyna 12 jobany iske asyrý úshin 3,4 mlrd teńge qarastyrylǵan. Jyl sońyna deiin jalpy aýdany 30,9 myń sharshy metr bolatyn 590 jalǵa beriletin páter paidalanýǵa beriledi. Halyqtyń az qamtylǵan áleýmettik toptaryna, kóp balaly otbasylarǵa beriletin ol baspanalardyń qurylysyna 165 adam jumysqa tartylady.
Kredittik turǵyn úi qurylysyna 14 jobany iske asyrý úshin 13 mlrd teńge qarastyrylǵan. Oǵan 81,8 myń sharshy metr turǵyn úi nemese 1173 páterdi paidalanýǵa berý josparlanǵan.
Sonymen qatar, «Nurly jer» memlekettik baǵdarlamasy aiasynda 2%-ben nesie beretin «Baqytty otbasy» baǵdarlamasyn iske asyrýǵa biyl respýblikalyq biýdjetten oblys ákimdigine 200 turǵyn úi qaryzyna 2 mlrd teńge qarastyrylǵan.
Turǵyn úi qurylysy aýdandaryna injenerlik-kommýnikatsiialyq infraqurylym júrgizýge 15 joba iske asyrylady. Ol maqsatqa 2,2 mlrd teńge qarajat bólinedi. Atalǵan jobalar boiynsha 210 jumys orny ashylady.
