Biylǵy jyly qazaq tiliniń biryńǵai latyn álipbiin qabyldaý josparlanyp otyr. Bul týraly QR Bilim jáne ǵylym ministri Erlan Saǵadiev Úkimet úiinde ótken baspasóz májilisinde aitty, dep habarlaidy "Ult aqparat" Baq.kz portalyna silteme jasap.
«Latyn álipbiine kóshý - óte mańyzdy joba. Bul máselede abai bolyp, qatelespegen jón. Biyl eń bastysy, barlyǵyna qolaily álipbi qabyldaý kerek. Birneshe nusqa ázirlep, olardy talqylap, bir álipbi qabyldaý qajet. Odan keiin latyn álipbiine kóshý boiynsha jumys josparyn qurý mańyzdy. Arnaiy komissiia qurylǵan, qazir ol jumys istep jatyr», - dedi Saǵadiev.
Esterińizge sala ketsek, Elbasynyń «Bolashaqqa baǵdar: rýhani jańǵyrý» maqalasynda qazaq tiliniń latyn álipbiine kóshý protsesi týraly aitylyp, jyl sońyna deiin álippe jobasyn ázirleýdi tapsyrǵan bolatyn.
