Foto: Premierministr.kz
Abai oblysynyń ákimi Berik Ýáli halyqaralyq «Úlken Altai» sýbóńirlik yntymaqtastyq konferentsiiasy aiasynda Qytaidyń Tachen (Tarbaǵatai) aimaǵynyń partiia komitetiniń hatshysy Chji Sianveimen kezdesti, dep habarlaidy Ult.kz.
Kezdesýde Abai oblysy men Shyńjań arasyndaǵy 250 shaqyrymdyq shekaradaǵy Baqty keden beketiniń mańyzy, tranzittik jáne kólik áleýeti, sondai-aq, eki jaqty ekonomikalyq jáne týrizm salasyndaǵy yntymaqtastyqty damytý máseleleri talqylandy. Berik Ýáli «Semei-Úrimji-Semei» jáne «Semei-Tachen» baǵyttarynda tikelei áýe reisterin ashý týraly usynys bildirdi jáne Alakól týristik aimaǵyn birlese damytýǵa shaqyrdy.
Chji Sianvei «Aiagóz-Tachen» temir joly men jańa áýe reisteriniń mańyzyn atap ótip, Baqty kedeniniń jumysyn jandandyrý boiynsha usynystaryn aitty jáne oblys ákimin jazda Sháýeshekke saparǵa shaqyrdy.
Berik Ýáli kezdesýde aitylǵan usynystar nazarǵa alynatynyn jáne «Aiagóz-Tachen» temir joly qurylysy biyl bastalatynyn jetkizdi.
