Biyl aýyldyq eldi mekenderde 4 mln sharshy metr turǵyn úi salynady. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov málim etti, dep habarlaidy QazAqparat.
«Aýyldyq eldi mekenderde turatyn halyqtyń ómir súrý sapasyn jaqsartý - memlekettiń negizgi mindetteriniń biri. Búgingi tańda aýyldyq jerlerdegi turǵyn úi qory - 1,8 mln turǵyn úi. Bul jalpy qordyń - 33,3 paiyzy. «Nur Otan» partiiasynyń sailaýaldy baǵdarlamasyn oryndaý maqsatynda 2025 jylǵa deiin 103 mln sharshy metr baspana salý josparlanǵan. Onyń ishinde aýyldyq eldi mekenderde 24 mln sharshy metr úi salynady», - dedi ol.
Ministrdiń dereginshe, biyl respýblika boiynsha 17 mln sharshy metr turǵyn úidi paidalanýǵa berý josparlanǵan, Onyń 4 mln sharshy metri aýyldyq eldi mekenderde boi kóteredi. Memlekettik biýdjet esebinen 160 myń sharshy metr jalǵa beriletin baspana (2 myń turǵyn úi) salynady.
«2025 jylǵa deiin 235 myń jer ýchaskesin, onyń ishinde aýyldyq jerlerde 110 myń jer ýchaskesin qajetti infraqurylymmen qamtamasyz etý josparlanýda. Iaǵni, jyl saiyn - 47 myń jer ýchaskesi, onyń ishinde aýyldyq jerlerde - 22 myń jer ýchaskesi. Biyl aýyldyq eldi mekenderde 23,6 mlrd teńgege 22,7 myń jer ýchaskesi injenerlik jelilermen qamtamasyz etiledi», - dedi Beibit Atamqulov.
