Biyl aýylda turǵyn úi salýdyń jańa tetigin engizý josparlanyp otyr. Bul týraly búgin Úkimet otyrysynda QR Aýyl sharýashylyǵy ministri Saparhan Omarov aitty, dep habarlaidy QazAqparat.
«Memleket basshysynyń tapsyrmasy boiynsha ótken jyldan bastap 24,5 mlrd teńge somaǵa dándi jáne maily daqyldardy kepildi forvardtyq satyp alý tetigi engizildi jáne iske asyryldy. Nátijesinde 516,9 myń tonna dándi jáne maily daqyldar satyp alyndy. Biyl 45,3 mlrd teńge somaǵa forvadtyq satyp alýdy ótkizý josparlanyp otyr. Iaǵni bul ótken jylmen salystyrǵanda eki esedei kóp», - dedi ol.
Ministrdiń atap ótýinshe, agroónerkásiptik keshendi damytý kóbinese aýyldyq aýmaqtardy, onyń ishinde aýyldaǵy áleýmettik jáne injenerlik infraqurylymdy qoldaý jónindegi baǵdarlamalardyń tiimdi iske asyrylýyna bailanysty. Bul baǵytta Úkimet belsendi túrde is-sharalar qabyldaýda. Onyń ishinde aýyldyq eldi mekenderde turǵyn úi qurylysyn injenerlik-kommýnikatsiialyq infraqurylym júrgizý jolymen damytý, aýyl halqyn sýmen jabdyqtaý qyzmetterimen qamtamasyz etý jáne avtomobil joldaryn jóndeý bar.
«Budan basqa, biyl aýylda turǵyn úi salýdyń jańa tetigin engizý josparlanýda. Ol aýyldarda qyzmetkerler úshin turǵyn úi salý kezinde jumys berýshi shyǵyndarynyń 50 paiyzyn sýbsidiialaýdy kózdeidi. Bul aýyldyq jerlerge jas kadrlardy tartýǵa múmkindik beredi. Bul bastamany agrobiznes birneshe ret kóterdi jáne Úkimet ony qoldap otyr», - dedi Saparhan Omarov.
