Biylǵy astyq ónimdiligi byltyrǵy deńgeide bolýy múmkin. Bul týraly QR Aýyl sharýashylyǵy birinshi vitse-ministri Aidarbek Saparov málim etti, dep habarlaidy QazAqparat.
«Astyq ónimdiligi boiynsha aitý ázirge erterek dep oilaimyn, sebebi kóktemgi egis naýqany endi ǵana aiaqtalyp jatyr. Bul naýqandy ońtaily merzimde aiaqtaǵanymyz qýantarlyq jaǵdai dep esepteimin. Budan keiin alqaptarda tiisti óńdeý jumystaryn júrgizýimiz kerek. Sondyqtan tiisti málimetterdi shamamen 20 shildeden keiin aita alamyz. Sol kezde daqyldar maqsaqtanǵan kezde astyq shyǵymdylyǵy baǵalanady», - dedi A. Saparov Ortalyq kommýnikatsiialar qyzmetinde.
Onyń aitýynsha, jaýyn-shashyn qalypty normada bolsa, astyq ónimdiligi byltyrǵydan kem túspeýi múmkin. Astyq eksportyna toqtalsaq, jyl saiyn 7-8 mln tonna bidai eksporttap kelemiz.
«Sondyqtan 2021 jyly da osy deńgeide bolamyz dep oilaimyn. Bizde dástúrli burynǵy naryqtar qalyp otyr. Iaǵni Ózbekstan, Tájikstan, Túrikmenstan, Qyrǵyzstan, Ázerbaijan, Iran, Aýǵanstan elderi bar», - dedi birinshi vitse-ministr.
