Biyl asa qaýipti ziiankester 3,7 mln ga alqapqa taralýy múmkin, dep habarlaidy "Ult aqparat" AShM baspasóz qyzmetine silteme jasap.
«Respýblikalyq fitosanitarlyq diagnostika jáne boljamdar ádistemelik ortalyǵy» RMM derekteri boiynsha, biyl Qazaqstanda asa qaýipti ziiandy organizmderdiń 3,7 mln gektar alqapta taralýy boljamdalýda. Onyń ishinde astyq daqyldarynyń aýrýlary 1,4 myń gektarda, úiirli shegirtke ziiankesteri 553 myń ga, astyqtyń sur kóbelegi 652 myń ga, gessen shybyny, ziiandy baqashyq, astyq qońyzy, maqta kóbelegi, órmekshi kene, kolorado qońyzy jáne tyshqan tárizdes kemirgishter 142,4 myń ga jerdi zaqymdaýy múmkin», - delingen habarlamada.
2019 jyly erekshe qaýipti ziiandy organizmderge jáne karantindi obektilerge qarsy karantindik jáne fitosanitarlyq is-sharalardy júrgizý jónindegi memleket pen aýyl sharýashylyǵy taýaryn óndirýshileri (budan ári – AShTÓ) arasyndaǵy jaýapkershilikti belgileýdi kózdeitin QR ósimdikterdi qorǵaý jáne ósimdikter karantini, agroónerkásiptik keshen men aýyldyq aýmaqtardy damytýdy memlekettik retteý salalaryndaǵy zańnamalarǵa ózgerister men tolyqtyrýlar engizilgen bolatyn.
Bul ózgerister AShTÓ-ge qajetti kez kelgen pestitsidti tańdaý jáne satyp alý erkindigin beredi. Endi sharýalar dári-dármekterdi jáne egistikterdi óńdeý boiynsha qyzmetterdi memlekettik satyp alýdy ótkizý merzimderine táýeldi bolmaidy.
Sondai-aq, jańa zańmen óz aýmaǵyndaǵy asa qaýipti ziiandy organizmder men karantindik obektilermen kúresý úshin AShTÓ óz betinshe satyp alatyn pestitsidterdiń qunyn 50%-ǵa deiin arzandatý kózdelgen.
