Endi «Altyn belgi» tósbelgisine úmitkerlerdiń emtihan jumystaryn bilim basqarmasy janyndaǵy komissiia qaraidy. Mektepter burynǵydai oqý ozattarynyń tizimin ózderi jasai almaidy, dep habarlaidy QazAqparat.
Bilim jáne ǵylym ministrliginiń málimetine sensek, komissiia emtihan jumystaryn teksergennen keiin nátijelerin bilim uiymdaryna jiberip, mektep direktorynyń buiryǵymen tósbelgi iegerleriniń tizimi bekitiledi.
2020-2021 oqý jylynda «Altyn belgige» 9 822 oqý ozaty úmitker bolyp otyr.
«Buryn mektep pen bilim bólimderi úmitkerlerdiń jumysyn ózderi tekserip, «Altyn belgini» tapsyrý týraly sheshim qabyldaityn. Al, qazir, keńestik kezeńdegidei, emtihan jumystaryn oblystyq nemese respýblikalyq mańyzy bar qalanyń bilim basqarmasy janyndaǵy komissiia tekseredi. Komissiia quramyna bilikti, tájiribeli pán muǵalimderi kiredi. Osydan keiin ǵana mektep úzdik oqýshylardyń tizimin bekitedi», – deidi QR BǴM mektepke deiingi jáne orta bilim komitetiniń tóraiymy Maira Meldebekova.
Biyl 11 (12) synyp oqýshylarynyń memlekettik bitirý emtihandary 1-10 maýsym aralyǵynda ótedi.
12 maýsymǵa deiin emtihan qorytyndysy shyǵarylyp, «Altyn belgi» iegerleriniń tizimi bekitiledi.
2020-2021 oqý jylynda 3,4 mln astam oqýshy mektepte bilim aldy. Onyń 150 myńǵa jýyǵy 11 (12) synypty aiaqtaidy.
