2020-2021 oqý jylynyń qorytyndysy boiynsha 9 738 túlek «Altyn belgi» iegeri atandy. Bul - ótken jyldarmen salystyrǵanda rekordtyq kórsetkish, dep habarlaidy "Ult aqparat".
2019 jyly tósbelgini 7349 oqýshy, 2020 jyly 8 615 oqýshy ielengen bolatyn.
Biyl «Altyn belgi» iegeri atanǵan túlekterdiń basym bóligi Túrkistan (1 856), Almaty (1 432) jáne Shyǵys Qazaqstan (738) oblystarynan.
Erekshe úlgidegi attestat iegerleri saltanatty shara barysynda marapattaldy.
«9 738 úmitker qorytyndy attestattaý barysynda óz bilimderin dáleldep, «Altyn belgi» iegeri atandy. Bul túlekterdiń jalpy sanynyń 6,2% quraidy. Mektep oqýshylarynyń sany jyl saiyn artyp keledi. Osyǵan bailanysty, jaqsy kórsetkishterge jetkenderdiń sany da ósip jatyr. Sonymen qatar taǵy qýantarlyq jáit — «Altyn belgi» iegerleriniń kóbi muǵalim mamandyǵyn tańdap jatyr. Bolashaqta dál osyndai oqýshylarymyz muǵalimderdiń qataryn tolyqtyrsa, nur ústine nur», — dep atap ótti QR BǴM Mektepke deiingi jáne orta bilim komitetiniń tóraiymy Maira Meldebekova.
Biyl «Altyn belgige» úmitkerlerdiń emtihan jumystaryn mektepter emes, bilim basqarmalary janyndaǵy komissiialar qaraǵanyn aita ketken jón.
Komissiia quramyna bilikti ári tájiribeli pán muǵalimderi kiredi. Qurylǵan komissiianyń sheshiminen keiin ǵana oqý ozattarynyń tizimi bekitildi.
Bul «Altyn belgi» taǵaiyndaý rásiminiń ashyqtyǵyn qamtamasyz etip, sybailas jemqorlyq táýekelderin joiady.
Jalpy biyl qazaqstandyq oqýshylar álemdik ziiatkerlik baiqaýlarǵa qatysyp, 67 altyn, 125 kúmis jáne 195 qola medal jeńip aldy.
Sonymen birge halyqaralyq arenada óz bilimin kórsetti.
Qazaqstan álemniń 110 eliniń arasynda beiresmi komandalyq esepte úzdik otyzdyqqa kirdi.
1998 jyly Qazaqstan 50-shi orynda bolǵan edi.
