Almatyda QR Prezidenti Qasym-Jomart Toqaevtyń tapsyrmasy boiynsha jumyspen qamtýdyń 2020 jylǵa arnalǵan jol kartasy júzege asyrylady.
Qala ákimdigi baspasóz qyzmetiniń habarlaýynsha, «Jumyspen qamtý 2020 jol kartasy» baǵdarlamasy halyqty jumyspen qamtý máselelerin jedel sheshý maqsatynda ázirlendi jáne qosymsha jumys oryndaryn qurýǵa, áleýmettik, injenerlik-kóliktik infraqurylymdy jáne turǵyn úi-kommýnaldyq sharýashylyqty damytý, eldi mekenderdi abattandyrý boiynsha infraqurylymdyq jobalardy iske asyrý esebinen jumyssyz azamattar sanynyń ósýine jol bermeýge baǵyttalǵan sharalar keshenin anyqtaidy.
«2020 jyly qala boiynsha barlyǵy 214 infraqurylymdyq jobany iske asyrý josparlanyp otyr, onyń ishinde kelesi jumys túrleri men obektiler bar: áleýmettik-mádeni obektilerdi kúrdeli jáne aǵymdaǵy jóndeý, qaita jańartý; turǵyn úi-kommýnaldyq sharýashylyq obektilerin kúrdeli, ortasha jáne aǵymdaǵy jóndeý, qaita jańartý; injenerlik-kólik infraqurylymyn kúrdeli, ortasha jáne aǵymdaǵy jóndeý, qaita jańartý jáne salý» dep habarlady qalalyq ákimdik.
«Jumyspen qamtý 2020 jol kartasy» sheńberinde jumysqa shyǵýǵa daiyn azamattarǵa jumys ornyna kelgennen keiin birden 2 ETJ nemese 85 myń teńge mólsherinde «kótermeaqy» beriledi. Bul - turaqty jalaqyǵa qosymsha qarajat. Bul rette ortasha jalaqy mólsheri - 120 000 teńge.
Osylaisha jumyssyz almatylyqtar turaqty jumysqa ornalasý múmkindigine ie bolady. Birinshi kezekte jumys mysaly, mektepter, aýrýhanalar nemese turǵyn úileri jóndelip nemese qurylysy júrgizilip jatqan aýdanda turatyn azamattarǵa, memlekettik qarajat esebinen beriledi.
Barlyq 214 infraqurylymdyq jobany júzege asyrýǵa 103,9 mlrd teńge bólinedi. 26 myńǵa jýyq jumys orny qurylady.
Tolyq aqparatty Almaty qalasy jumyspen qamtý ortalyǵy saitynan jáne myna telefondarǵa habarlasyp bilýge bolady: +7 (727) 224-20-00, 221-66-11.
