Foto: Kazinform
Osy jazda QTJ 4,2 mln astam jolaýshyny tasymaldaýdy josparlap otyr, dep habarlaidy «Ult aqparat» «Jolaýshylar tasymaly» AQ baspasóz qyzmetine silteme jasap.
Almaty qalasynda Alakól kóli baǵytyndaǵy jazǵy tasymaldardy uiymdastyrý boiynsha QTJ jáne «Jolaýshylar tasymaly» AQ basshylyǵy, týristik operatorlar jáne demalys bazalarynyń ieleriniń qatysýymen keńeitilgen keńes ótti. Sondai-aq, otyrysqa «Atameken» UKP, Kólik ministrligi temirjol jáne sý kóligi komitetiniń, salalyq qaýymdastyqtardyń ókilderi shaqyryldy.
2024 jyldyń jaz ailarynda QTJ ótken jyldyń sáikes kezeńimen salystyrǵanda kýrorttyq aimaqtarǵa jolaýshylar tasymalyn ulǵaitýdy jáne 4,2 mln-nan astam jolaýshyny tasymaldaýdy josparlap otyr.
Alakól kóliniń baǵytynda poiyzdar Astana, Almaty, Shyǵys Qazaqstan jáne Abai oblystarynan 12 baǵyt boiynsha qatynaityn bolady. Sondai-aq, biyl alǵash ret bul baǵytta Qyzylordadan poiyz júredi. On baǵyt boiynsha «Jolaýshylar tasymaly» AQ poiyzdary, al eki baǵyt boiynsha — jeke tasymaldaýshylar quramy júretin bolady. Ulttyq tasymaldaýshynyń poiyzdarynyń quramy tolyǵymen aýany baptaý júiesimen jabdyqtalǵan vagondardan quralady.
«Temirjol kóligi elimizdiń týrizm salasyn damytýda sheshýshi ról atqarady. Biz jyl saiyn Alakól kýrorttyq aimaǵyna jolaýshylardyń tasymaldaýǵa degen suranysy artqanyn baiqaimyz. Sondyqtan osy jazǵy maýsymǵa Alakól kóline deiingi poiyzdardaǵy oryndardyń sanyn arttyrý maqsatynda, ótken jylmen salystyrǵanda 16 myńǵa, iaǵni 270 myń orynǵa deiin ulǵaitý týraly sheshim qabyldadyq», — dep atap ótti, «Jolaýshylar tasymaly» AQ Basqarma Tóraǵasy Jánibek Taijanov.
Alakól baǵytyndaǵy poiyzdar týrister úshin tanymal Jalańashkól, Aqshi jáne Beskól stantsiialarynda toqtaidy. Onda jolaýshylardyń jailylyǵy men qaýipsizdigin qamtamasyz etý úshin qajetti jaǵdailar jasalǵan: perrondar ulǵaityldy, kútý zaldary men kassalar jóndeldi. Jolaýshylarǵa yńǵaily bolý úshin stantsiialarda kassirlerdiń aýysymdyq jumysy uiymdastyryldy.
Sondai-aq, biletterdi bilet.railways.kz saittynda komissiiasyz satyp alýǵa bolady. Al biletter bolmaǵan jaǵdaida jolaýshy «Kútý paraǵy» qyzmetin paidalana otyryp, poiyzda bos orynǵa bilet satyp alý úshin kezekke tura alady. Bul qyzmet bilet.railways.kz saitynda nemese «Jolaýshylar tasymaly» AQ bilet kassalarynda aqysyz negizde qol jetimdi.
«Qazirgi ýaqytta Ulttyq tasymaldaýshy jyljymaly quramdy jazǵy tasymaldaýǵa belsendi daiyndalyp jatyr. Jeldetý jáne aýany baptaý júielerin qaita konservatsiialaý, aýa súzgilerin aýystyrý, sýmen jabdyqtaý júiesin tazartý jáne dezinfektsiialaý, vagondardyń elektr jabdyqtaryn tekserý, tambýrlardy, titandardy, jylytý júieleriniń qubyrlaryn jáne basqa da bólshekterdi syrlaý, sondai-aq, vagondardyń shanaqtaryn syrtqy jýý boiynsha jumystar júrgizilip jatyr», —delingen habarlamada.
Keńeste Pavlodar, Shymkent jáne Qyzylorda qalalarynan Alakól kóline deiin birjolǵy poiyzdardy uiymdastyrý, týroperatorlardyń biletterdi jóneltýge deiin 180 táýlikten bastap brondaý jumystaryn júrgizý, intermodaldyq tasymaldardy damytý boiynsha yntymaqtastyq máseleleri talqylandy.
«Jolaýshylar tasymaly» AQ týroperatorlarmen turaqty negizde keńester ótkizedi. Biyl bundai kezdesý ekinshi ret uiymdastyryldy.
