Biyl jalǵan aqsha jasaý faktileri boiynsha 12 is sotqa jiberildi, dep habarlaidy QazAqparat Qarjylyq monitoring agenttigine silteme jasap.
Onyń ishinde 7 jaǵdai Nur-Sultan qalasynda, Batys Qazaqstanda 2 jáne Mańǵystaý oblysynda 2 jaǵdai, Túrkistan oblysy men Shymkent qalasynda taǵy bir faktiden tirkeldi.
Qabyldanǵan sharalar jalǵan banknottardyń satylýyna jol bermedi. Olardyń jalpy sany 67 myń AQSh dollaryn quraityn 1200 danadan asady.
Osylaisha, Nur-Sultan qalasynda jalǵan shetel valiýtasyn saqtaý jáne satýmen ainalysqan tulǵalar ustaldy. Zańsyz ainalymnan jalpy somasy 55 700 AQSh dollar, nominaly 50 AQSh dollaryn quraityn 1114 jalǵan banknot tárkilendi. Tergeý nátijesi sotqa jiberildi.
Qazaqstan Respýblikasy Qylmystyq-protsessýaldyq kodeksiniń 201-babyna sáikes ózge málimetter jariia etilmeidi.
