Biyl 600 milliard teńgeden asa zańsyz ielengen múlik aktivter men aqshalai qarajattar memleketke qaitaryldy. Bul týraly Sybailas jemqorlyqqa qarsy qyzmet málimdedi, - dep habarlaidy "Ult aqparat".
Vedomstvo málimetinshe, olardyń ishine qymbat jyljymaityn múlik, sándi avtomobilder, baǵaly metaldar men zergerlik buiymdar, sondai-aq qolma-qol aqsha kiredi.
"Budan bólek, elimizde jáne shetelde jalpy somasy 360 mlrd teńgeden asatyn jyljymaityn múlik, avtomobilder men qarajat anyqtaldy jáne olar jaqyn arada memleketke qaitarylady.
Prezidenttiń tapsyrmasy boiynsha qaitarylǵan barlyq aktivter mektep qurylysyna baǵyttalatyn bolady" - delingen habarlamada.
Jariialanǵan videoǵa qaraǵanda, múliktiń negizgi bóligi Almatyda ornalasqan, onda bes biznes ortalyǵy, úsh saýda ortalyǵy jáne eki ǵimarat memleket menshigine qaitarylǵan.
Sondai-aq, Máskeýdegi bes páter, Dýbaidaǵy eki villa, Stambýldaǵy páter jáne Frantsiiadaǵy Antib kýrort qalashyǵyndaǵy úi memleket menshigine qaitarylǵan.
