Indýstriia jáne infraqurylymdyq damý ministrligi Qyzylorda-Jezqazǵan jolyn qaita jańǵyrtý úshin halyqaralyq uiymdardan qarjy tartpaqshy, dep habarlaidy QazAqparat.
Bul týraly Indýstriia jáne infraqurylymdyq damý ministri Beibit Atamqulov Úkimet otyrysynda málim etti.
«2025 jylǵa deiin respýblikalyq mańyzy bar barlyq avtojoldy qaita jańartý úshin uzyndyǵy 4,3 myń shaqyrymda jańa jobalar júzege asyrylady. Sondai-aq, 2021-2025 jyldardy 10 myń shaqyrym avtojol jóndeledi. Biylǵy jyldyń sońyna deiin biz jalpy uzyndyǵy 607 shaqyrym bolatyn 4 jańa avtojol jobasyn bastaýdy josparlap otyrmyz», - dedi ministr.
Onyń biri – Qyzylorda-Jezqazǵan avtojoly. Jalpy uzyndyǵy 427 shaqyrym bolatyn dálizdi kúrdeli jóndeýden ótkizý úshin Aziia damý banki men Eýropa qaita qurý jáne damý bankiniń qaryzy esebinen memlekettik kepildeme negizinde qarjylandyrý josparlanǵan.
«Jyl sońyna deiin banktermen nesie kelismderine qol qoiý jáne merdiger uiymdardy anyqtaý kózdelgen. «QazAvtoJol» UK» AQ ekonomikalyq saraptamadan ótý úshin tehnika ekonomikalyq negizdemeni jetildirýde boiynsha jumystar júrgizýde. Sondai-aq, joba bank tarapynan baǵalanýda», - dedi Beibit Atamqulov.
Qalǵan jobalarǵa toqtalsaq, Túrkistan qalasynyń Shyǵys ainalma jolyn salý (30 km), Shymkent qalasynyń Ońtústik-batys ainalma jolynyń qurylysy (48 km), Saryaǵash qalasy ainalma jolynyń qurylysy (102 km) josparlanǵan.
