يندۋسترييا جەنە ينفراقۇرىلىمدىق دامۋ مينيسترلٸگٸ قىزىلوردا-جەزقازعان جولىن قايتا جاڭعىرتۋ ٷشٸن حالىقارالىق ۇيىمداردان قارجى تارتپاقشى, دەپ حابارلايدى قازاقپارات.
بۇل تۋرالى يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ٷكٸمەت وتىرىسىندا مەلٸم ەتتٸ.
«2025 جىلعا دەيٸن رەسپۋبليكالىق ماڭىزى بار بارلىق اۆتوجولدى قايتا جاڭارتۋ ٷشٸن ۇزىندىعى 4,3 مىڭ شاقىرىمدا جاڭا جوبالار جٷزەگە اسىرىلادى. سونداي-اق, 2021-2025 جىلداردى 10 مىڭ شاقىرىم اۆتوجول جٶندەلەدٸ. بيىلعى جىلدىڭ سوڭىنا دەيٸن بٸز جالپى ۇزىندىعى 607 شاقىرىم بولاتىن 4 جاڭا اۆتوجول جوباسىن باستاۋدى جوسپارلاپ وتىرمىز», - دەدٸ مينيستر.
ونىڭ بٸرٸ – قىزىلوردا-جەزقازعان اۆتوجولى. جالپى ۇزىندىعى 427 شاقىرىم بولاتىن دەلٸزدٸ كٷردەلٸ جٶندەۋدەن ٶتكٸزۋ ٷشٸن ازييا دامۋ بانكٸ مەن ەۋروپا قايتا قۇرۋ جەنە دامۋ بانكٸنٸڭ قارىزى ەسەبٸنەن مەملەكەتتٸك كەپٸلدەمە نەگٸزٸندە قارجىلاندىرۋ جوسپارلانعان.
«جىل سوڭىنا دەيٸن بانكتەرمەن نەسيە كەلٸسمدەرٸنە قول قويۋ جەنە مەردٸگەر ۇيىمداردى انىقتاۋ كٶزدەلگەن. «قازاۆتوجول» ۇك» اق ەكونوميكالىق ساراپتامادان ٶتۋ ٷشٸن تەحنيكا ەكونوميكالىق نەگٸزدەمەنٸ جەتٸلدٸرۋدە بويىنشا جۇمىستار جٷرگٸزۋدە. سونداي-اق, جوبا بانك تاراپىنان باعالانۋدا», - دەدٸ بەيبٸت اتامقۇلوۆ.
قالعان جوبالارعا توقتالساق, تٷركٸستان قالاسىنىڭ شىعىس اينالما جولىن سالۋ (30 كم), شىمكەنت قالاسىنىڭ وڭتٷستٸك-باتىس اينالما جولىنىڭ قۇرىلىسى (48 كم), سارىاعاش قالاسى اينالما جولىنىڭ قۇرىلىسى (102 كم) جوسپارلانعان.
