Bilim jáne ǵylym ministriniń orynbasary Elmira Sýhanberdieva biyl attestattaýdan ótken 34 myń ustaz ústemeaqyǵa ie bolǵanyn málimdedi, dep habarlaidy Baq.kz agenttigi.
Aldymen vitse-ministr jańartylǵan bilim berý mazmuny boiynsha 221 myń muǵalim daiyndalǵanyn, olardyń jalaqysy óskenin atap ótti.
«Sondyqtan muǵalimderdiń eńbekaqysyna Elbasy tapsyrmasy boiynsha 30% ústemeaqy tólenip jatyr. Biyl pedagogtardy attestattaýdyń jańa júiesi engizildi. 2018 jylǵy 1 qyrkúieginen jańa júie boiynsha attestattaýdan ótken 34 myń muǵalim biliktiligine bailanysty 30%-ten 50%-ke deiin deiin ústemeaqy alady», - dedi Elmira Sýhanberdieva Senattyń Áleýmettik-mádeni damý jáne ǵylym komitetinde ótip jatqan úkimet saǵatynda.
Sonymen qatar ol attestattaýdan óte almaǵan 11 myń muǵalim testini 3-4 qarashada qaita tapsyrǵanyn aitty.
Esterińizde bolsa, vitse-ministr muǵalim mártebesi týraly zańdy daiyndaýǵa kirisip ketkendikterin aitqan bolatyn.
