Biyl 22,7 mln gektarǵa aýyl sharýashylyǵy daqyldary egildi. Bul týraly halyqqa esep berý kezdesýinde QR Aýyl sharýashylyǵy ministri Saparhan Omarov aitty, dep habarlaidy "Ult aqparat".
«4 ai ishinde aýyl sharýashylyǵynyń jalpy óniminiń kólemi 3, al azyq-túlik ónimderiniń óndirisi 3,9 paiyzǵa ulǵaidy. Mal sharýashylyǵynda óndiris kólemi 3,2 paiyzǵa artty. Atap aitqanda, tiri salmaqta et óndirý 5,3, sút óndirý 3,4 paiyzǵa ósti», - dedi ministr.
Onyń atap ótýinshe, ótken jyly elimizde importty almastyrý aiasynda 48 jańa taýarly-sút fermasy, 3 et kombinaty jáne et baǵytyndaǵy 8 qus fabrikasy iske qosyldy.
«Ósimdik sharýashylyǵynda 2021 jylǵy kóktemgi egin egý jumystaryn ýaqtyly júrgizýdi qamtamasyz etý úshin barlyq qajetti sharalar qabyldandy jáne búgingi kúni egin egý jumystary tolyq aiaqtaldy. Biyl aýyl sharýashylyǵy daqyldary 22,7 mln gektarǵa egildi, bul 2020 jylǵy deńgeiden 78 myń gektarǵa artyq», - dedi Saparhan Omarov.
