1 qazandaǵy jaǵdai boiynsha 13 362 etnikalyq qazaq tarihi otanyna oralyp, qandas mártebesin aldy. 1991 jyldan bastap respýblikaǵa barlyǵy 1 mln 101,2 myń etnikalyq qazaq oraldy, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
"Osy jyldyń basynan Qazaqstanǵa kelgen qandastardyń jartysynan astamy (68,7%) Ózbekstannan, 10% – QHR-dan, 7,9% – Túrkimenstannan, 4,6% – Mońǵoliiadan jáne 8,8% - basqa elderden.
Kelgen etnikalyq qazaqtar negizinen Almaty (29,9%), Mańǵystaý (16,7%), Túrkistan (9%) jáne Jambyl (6,5%) oblystarynda, sondai-aq, Astana (7,8%), Shymkent (7,3%) jáne Almaty (5,8%) qalalarynda qonystandy.
1 qazandaǵy jaǵdai boiynsha eńbekke qabiletti jastaǵy etnikalyq qonys aýdarýshylardyń sany 58,9%-dy, eńbekke qabiletti jastan kishi adamdar 27,5%-dy jáne zeinetkerler 13,7%-dy quraidy" - delingen habarlamada.
Eńbekke qabiletti jastaǵy qandastardyń bilim deńgeii boiynsha 13,2%-y joǵary bilimdi, 38,9%-y arnaiy orta bilimdi, 46%-y jalpy orta bilimdi jáne 1,8%-ynyń bilimi joq.
