Foto: MTRK
2025 jyly 13 myń shaqyrym jolǵa qurylys jumystaryn júrgizý josparlanǵan. Onyń ishinde 9,5 myń shaqyrymǵa arnalǵan jobalar tolyq qarjylandyrylǵan, dep habarlaidy Ult.kz.
Qalǵan 3,6 myń shaqyrym boiynsha qarjylandyrý máselesi halyqaralyq qarjy institýttarymen talqylanýda. Qurylys jumystaryn júrgizý halyqaralyq qarjy institýttarynyń esebinen júzege asyrylady dep boljanyp otyr. Bul týraly Úkimet otyrysynda kólik ministri Marat Qarabaev málimdedi.
Bul «Jezqazǵan – Qaraǵandy», «Aqtóbe – Ulǵaisyn», «Atyraý – Dossor» jańa jobalary, sondai-aq Saryaǵash, Rýdnyi jáne Qyzylorda qalalaryn ainalyp ótetin joldar.
Osy jobalardy iske asyrý úshin HQDB, EQDB, ADB jáne basqalaryn qosqanda, halyqaralyq qarjy institýttarymen jeńildetilgen qarjy bólý týraly ýaǵdalastyqqa qol jetkizildi.
Tenderlerge qatysý kezinde otandyq kompaniialarǵa preferentsiialar bere otyryp, konkýrstyq sharttardy qaita qaraý mańyzdy qadam boldy. Bul qazaqstandyq kásiporyndardy qurylys jumystaryna kóbirek tartýǵa múmkindik berdi. Máselen, «Qaraǵandy – Jezqazǵan» jobasy boiynsha tenderge qatysýshylar sany 2-den 10-ǵa deiin ósti.
