Biylǵy jyldyń 1 qarashasyna deiin 11,8 myń adam tarihi Otanyna oralyp, oralman mártebesin aldy. Bul týraly QR Eńbek jáne halyqty áleýmettik qorǵaý ministrligi habarlady.
Jalpy, 1991 jyldan beri respýblikaǵa 1 million 69,1 myń etnikalyq qazaq oralǵan.
«Osy jyly Qazaqstanǵa kelgen oralmandardyń jartysynan kóbi (55,5%) Qytaidan, 28,8% – Ózbekstannan, 9,1% – Túrikmenstannan, 3,4% – Mońǵoliiadan jáne 2,9% — basqa elderden keldi.
Etnikalyq qazaqtar negizinen Almaty (52,3%), Mańǵystaý (13,4%) jáne Túrkistan (5,5%) oblystaryna, sondai-aq Nur-Sultan (4,1%) jáne Almaty qalalaryna (5,7%) qonystandy.
10 aidaǵy málimet boiynsha, eńbekke qabiletti jastaǵy qonys aýdarýshylar sany 55,9%, eńbekke qabiletti jastan kishiler 32,6% jáne zeinetkerler 10,5% quraidy», - delingen ministrliktiń baspasóz aqparatynda.
