2021 jylǵy 9 qyrkúiektegi jaǵdai boiynsha respýblika boiynsha 11.8 mln ga dándi jáne dándi-burshaqty daqyl nemese olardyń jalpy jinaý alańynyń 74.3% jinaldy.
Aǵymdaǵy ortasha ónimdilik gektaryna 8.7 ts qurap, 10.3 mln tonna astyq bastyryldy, dep habarlaidy "Ult aqparat" aýyl sharýashylyǵy ministrliginiń baspasóz qyzmetine silteme jasap.
Osy jyldyń shilde-qazan ailaryna josparlanǵan 396,5 myń tonna jeńildetilgen dizel otynynyń 221,1 myń tonnasy nemese 56% tiep-jóneltildi.
Energetika ministrligi munai óńdeitin zaýyttarmen(MÓZ) 156 teńge/litr (189,0 myń teńge/tonna) baǵasyn belgiledi, operatorlardyń jetkizýin eskere otyryp, óńirlerde ortasha baǵa 177 teńge/litrdi quraidy, bul naryqtyq baǵadan 11% - ǵa arzan (JQS-198 teńge/litr).
Jalpy egin jinaý naýqany shtattyq rejimde ótýde. Aýa raiy qolaily bolǵan jaǵdaida egin jinaý naýqanyn ońtaily merzimde aiaqtap, astyq jinaý boiynsha boljamdar tolyq oryndalady dep kútilýde.
