2021 جىلعى 9 قىركٷيەكتەگٸ جاعداي بويىنشا رەسپۋبليكا بويىنشا 11.8 ملن گا دەندٸ جەنە دەندٸ-بۇرشاقتى داقىل نەمەسە ولاردىڭ جالپى جيناۋ الاڭىنىڭ 74.3% جينالدى.
اعىمداعى ورتاشا ٶنٸمدٸلٸك گەكتارىنا 8.7 تس قۇراپ, 10.3 ملن توننا استىق باستىرىلدى, دەپ حابارلايدى "ۇلت اقپارات" اۋىل شارۋاشىلىعى مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
وسى جىلدىڭ شٸلدە-قازان ايلارىنا جوسپارلانعان 396,5 مىڭ توننا جەڭٸلدەتٸلگەن ديزەل وتىنىنىڭ 221,1 مىڭ تونناسى نەمەسە 56% تيەپ-جٶنەلتٸلدٸ.
ەنەرگەتيكا مينيسترلٸگٸ مۇناي ٶڭدەيتٸن زاۋىتتارمەن(مٶز) 156 تەڭگە/ليتر (189,0 مىڭ تەڭگە/توننا) باعاسىن بەلگٸلەدٸ, وپەراتورلاردىڭ جەتكٸزۋٸن ەسكەرە وتىرىپ, ٶڭٸرلەردە ورتاشا باعا 177 تەڭگە/ليتردٸ قۇرايدى, بۇل نارىقتىق باعادان 11% - عا ارزان (جقس-198 تەڭگە/ليتر).
جالپى ەگٸن جيناۋ ناۋقانى شتاتتىق رەجيمدە ٶتۋدە. اۋا رايى قولايلى بولعان جاعدايدا ەگٸن جيناۋ ناۋقانىن وڭتايلى مەرزٸمدە اياقتاپ, استىق جيناۋ بويىنشا بولجامدار تولىق ورىندالادى دەپ كٷتٸلۋدە.
