Foto: Freepik
Qazaqstanǵa 87 eldiń azamattary vizasyz kele alady. Bul týraly Ishki ister ministriniń birinshi orynbasary Baýyrjan Álenov málim etti.
— Ishki ister ministrligi kóshi-qon baqylaýyn qamtamasyz etý sharalaryn qabyldanyp jatyr. Jalpy, qazir shetel azamattaryna qolaily jaǵdai jasalǵan. Olardyń elge kirý men elde bolý rásimderi jeńildetildi. Elimizge 87 memlekettiń azamattary vizasyz kire alady, — dedi Baýyrjan Álenov Úkimet otyrysynda.
Ministrdiń birin orynbasarynyń málimdeýinshe, elektrondyq viza 107 eldiń azamattaryna viza beriledi.
— 2020 jyldan beri Qazaqstanǵa keletin sheteldikter ýaqytsha tirkeýden bosatyldy, buryn 5 kún ishinde esepke turatyn. Qazir shetel azamattarynyń kelgeni týraly qabyldaýshy tarap habarlaýǵa mindetti («E-Qonaq» qosymsha arqyly). Biyl 900 myńnan astam ótinish tústi. Tirkeý tártibin saqtamaǵany úshin 14 800 adam jaýapkershilikke tartyldy. Osy oraida politsiia shetel azamattaryna túsindirý jumystaryn júrgizip jatyr, — deidi vedomstvo ókili.
