Búgin elordada Asqar Maminniń qatysýymen ótken Úkimet otyrysynda halyqty jumyspen qamtýdaǵy qoldaý sharalary qaraldy. Osy oraida QR Eńbek jáne halyqty áleýmettik qorǵaý ministri Birjan Nurymbetov azamattardyń jumyspen qamtylýyn qamtamasyz etý maqsatyndaǵy qolǵa alynǵan sharalar jóninde baiandady. Onyń aitýynsha, biyl 1 mln-nan astam jumyspen qamtylmaq, dep habarlaidy "Ult aqparat" Strategy2050.kz saityna silteme jasap.
Birjan Nurymbetovtiń málimetinshe, elimizdegi barlyq memlekettik baǵdarlamanyń áleýetin eskere otyryp, biyl 1 mln 220 myń adamdy jumyspen qamtý sharalaryna tartý josparlanǵan. Búginge deiin 743 myń adam sol sharalarǵa tartylǵan.
«Onyń ishinde «Eńbek» baǵdarlamasyna 379 myń adam qatysýǵa niet bildirdi. Olarǵa shaǵyn kásipkerlikpen ainalysýǵa 5 myń 800 jeńildetilgen nesie jáne 17 myń 200 qaitarymsyz tegin grant berildi. Memleket tarapynan jalaqysy sýbsidiialanatyn jumys oryndaryna 156 myń adam tartylǵan», - dedi ministr.
Qysqa merzimdi oqytýmen kásipkerliktiń negizderine oqytýǵa 34,5 myń adam qatysýda. Qyrkúiek aiynda qosymsha 20 myńnan astam UBT-dan ótpegen mektep túlegi jumysshy mamandyqtar boiynsha «tegin tehnikalyq kásiptik oqýǵa» jiberiletin bolady.
Jumyspen qamtý ortalyqtary ashyq vakansiialarǵa bergen joldamalary boiynsha, 130 myń adamǵa jumys taýyp berdi.
«Eńbek» baǵdarlamasynyń aimaqtardaǵy júzege asýy
5 myń 800 shaǵyn nesie alǵan azamat qosymsha 6 151 turaqty jumys ornyn ashty.
Shaǵyn nesieleý jumystarynda Shyǵys Qazaqstan, Qostanai oblystary jáne Shymkent qalasy jaqsy kórsetkishterge ie. Al Batys Qazaqstan oblysynda belsendilik tanytý qajet. 17 myńnan astam berilgen granttyń 51 paiyzy az qamtylǵan, kópbalaly januiadaǵy jumyssyzdarǵa baǵyttaldy.
Bul baǵytta Jambyl oblysy jyldyq josparǵa qol jetkizýge jaqyndady, al Qaraǵandy, Soltústik Qazaqstan oblystary men Shymkent qalasynda 80 paiyzdan astam oryndalýda.
Ministrdiń sózinshe, Qyzylorda oblysynda granttar berý qarqyny áli tómendeý.
Jalaqysy memleket tarapynan sýbsidiialanatyn jumys oryndaryn (áleýmettik jumys orny, jastar praktikasy jáne qoǵamdyq jumystar) qurý jáne oǵan jumyssyzdardy, jas túlekterdi tartý sharalary jalpy jaqsy deńgeige iske asýda.
«Jumyspen qamtý jol kartasy» boiynsha qandai jobalar iske asyp jatyr
«Jumyspen qamtý jol kartasy» boiynsha 6 myń 400 júzdei joba iske asyrylýda. Tamyz aiyn qosa 552 mlrd teńge qarjylandyryldy, búginge onyń 71,5 paiyzy igerilip otyr.
Jobalarda 154 myń adam jumys istep jatyr:
- 73 paiyzy - aýyldy eldi mekenderde
- 37 paiyzy - jumyssyz júrgen jastar
- 17 paiyzy – keshegi beiresmi jumyspen ainalysyp júrgen azamattar
- 9 paiyzy – az qamtylǵan otbasy músheleri
Qurylys, jáne jóndeý jumystarynda 90 paiyzdan kem emes ulttyq kásiporyndarynyń tartylý talaby saqtalyp otyr.
«Qazirgi jaǵdaiǵa baǵa beretin bolsaq, jumysqa tartylǵan 154 myń adamǵa 75 mlrd-qa jýyq qarajat eńbekaqy maqsattaryna jumsaldy, otbasy múshelerimen qosqanda 600 myńnan astam adamǵa tabys kózi qamtamasyz etildi», - dedi ministr.
Ortasha jalaqy - 130 myń teńge. Jobalarǵa qatysqan biznes sýbektileri 370 mlrd teńgege tapsyrys aldy jáne ákimdermen birlese baǵalaý boiynsha 19 myńǵa jýyq orta-shaǵyn biznes ókili merdiger, qurylys materialdaryn satýshy retinde qatysyp, keminde 114 myńy óz jumys oryndaryn saqtap qalýǵa múmkindik aldy.
Óńirlerge qatysty aqparattyq júie negizinde monitoring boiynsha Shyǵys Qazaqstan, Qyzylorda oblystary men Shymkent qalasynda josparlanǵan jumys oryndaryna halyqty tartýda joǵary kórsetkishterge ie. Óz kezeginde, Túrkistan jáne Almaty oblystarynda josparlanǵan jumys oryndaryn ashýmen halyqty tartý boiynsha jumysty belsendi etý qajet.
«Jol kartasyn» qarjylandyrýdyń tamyz aiyndaǵy jospary boiynsha, ótken aptada 240 mlrd teńge bólindi.
«Jumyspen qamtý jol kartasynyń» áleýmettik-ekonomikalyq jaǵdaiǵa áseri
Jańadan soǵylatyn 683 nysan bolashaqta óńirlerde áleýmettik aktiv retinde halyqqa qyzmet etetin bolady.
Onyń ishinde bilim berý salasyndaǵy jańa 80 qurylys – apattyq, úsh-maýsymdy mektep, aýylda bilim alýǵa qoljetimdilik máselelerin sheshýmen birge, pedagogtarymyzǵa 10 myń jańa turaqty jumys ornyn ashýǵa múmkindik bermek.
Densaýlyq, mádeniet, sport, týrizm salasyndaǵy jańa 60 qurylys jobasy 20 myń turaqty jumys ornyn qurady.
153 sý sharýashylyq nysan qurylysy men jańǵyrtýy – sýarmaly, jaiylym jerler kólemin edáýir arttyryp, aýyl sharýashylyǵynda 77 myń turaqty jumys oryndaryn bermek.
400 jýyq kommýnaldyq sharýashalyq nysany, 8 myń km-den astam kalalyq, aýyldyq joldar, 900 eldi mekendi abattandyrý – ákimderdiń halyqpen kezdesý kezinde turǵyndardyń kótergen máselelerin sheshýge jáne halyqtyn ómir súrý sapasyn arttyrýǵa baǵyttalǵan.
Jol kartasy qarajatyn paidalana otyryp, koronovirýs indetimen kúresý baǵytynda 13 jańa infektsiialyq emhana qurylysy júrgiziletin bolady. Óz kezeginde, qosymsha 5 myń turaqty jumys orny ashylmaq.
Jalpy, Jol kartasynyń jobalary 100 myńnan astam turaqty jumys ornyn qurýǵa múmkindik bermek.
Ekonomikada jańa jumys oryndarynyń qurylýy
Jyl basynda ákimdermen jasalǵan memorandýmdar boiynsha óńirlerde biyl 431,5 myń jumys orny qurylýy tiis.
Resmi vedomstvolyq statistika boiynsha, 7 aida 300 207 jumys orny qurylǵan:
- 149 myńy – turaqty jumys orny
- 135 myńy - aýylda
Soltústik - Qazaqstan jáne Mańǵystaý, Qyzylorda oblystarda turaqty jumys ornynyń úlesi 70 paiyzǵa artsa, Aqmola, Batys Qazaqstan jáne Qaraǵandy oblystarynda kerisinshe ýaqytsha jumys oryndarynyń úlesi basym.
Halyqtyń Elektrondy eńbek birjasyn qatysýy artýda
Ministrdiń málimetinshe, sońǵy ailarda halyqtyń Elektrondy eńbek birjasyn qatysý, paidalaný qarqyny artyp otyr.
Jyl basymen salystyrǵanda jumys berýshiler tarapynan usynǵan vakansiialar sany 8,5 esege ósip, óz kezeginde jumys izdep óz túiindemelerin jariialaǵan adamdar sany 8 esege artqan.
Nátijesinde 7 aida, 333 myń adam EEB arqyly ózine jumys taýyp otyr, onyń 57 paiyzy turaqty jumys oryndaryna ornalasqan.
«Azamattar jumys izdeý maqsatynda jumyspen qamtý ortalyqtaryna da belsendi júginýde. Orta eseppen aiyna 60 myń adam júginedi. Memlekettik baǵdarlamalarǵa qatysý úshin resmi jumyssyz retinde tirkelgenderdiń sany jyl basynan beri 8 ese artqan, óz kezeginde jumysqa ornalastyrý kórsetkishi 11 ese ósti», - dedi Birjan Nurymbetov.
Qosymsha resmi jumyssyz 50 myń 200 adam Memlekettik áleýmettik saqtandyrý qorynan jumyssyzdyǵyna bailanysty arnaiy tólem alýda. Olarǵa 7 aida 5,5 mlrd teńge tólendi.
Budan bólek aita ketý kerek, koronavirýsqa qatysty shekteýler saldarynan tabyssyz qalǵan azamattarǵa áleýmettik saqtandyrý qorynan eń tómengi jalaqy kóleminde:
- tótenshe jaǵdai kezinde 4,6 mln adamǵa 322 mlrd teńge tólendi
- sońǵy qatańdatqan karantin shekteýleri kezinde 2,3 mln adamǵa – 147 mlrd teńge tólendi.
