Jartylai aýyr salmaqtaǵy WBA chempiony Dmitrii Bivoldy (20-0, 11 KO) jattyqtyratyn Gennadii Mashianov "RB Sport" basylymyna bergen suhbatynda Gennadii Golovkinniń (42-1-1, 37 KO) meksikalyq Saýl "Kanelo" Alvaresti (57-2-2, 39 KO) jeńý múmkindigi jaily oiyn aitty, dep habarlaidy Vesti.kz.
"Tóreshiler ádil bolsa, 50 de 50. Bul Genanyń jasyn esepke ala otyryp aitqandaǵym. Ol baiaýlap qaldy. Mýratamen aiqastyń basynda ol tym sylbar boldy. Iá, Golovkin qazir de jeńe alady. Tehnikalyq turǵyda ol "Kanelodan" basym. Golovkinniń tehnikalyq arsenaly aitarlyqtai keń, biraq, ony qoldaný kerek. Tiresip alyp judyryqtasýdyń qajeti joq nemese tóbelesip ketýge bolmaidy. Óziniń tehnikalyq basymdyǵy men oilaý qabiletin iske qosý kerek. Ol jerde kórermen nemese ózge bireýlerdiń jetegine erip ketýge bolmaidy", - deidi maman.
Eske salaiyq, orta diviziondaǵy IBF jáne IBO titýldarynyń iegeri Gennadii Golovkin men orta salmaqtaǵy álemniń absoliýt chempiony meksikalyq Saýl Kanelo Alvares úshinshi jekpe-jek ótkizýge kelisimshartqa qol qoiǵan bolatyn. USA Today Sports+ málimetinshe, trilogiia 17 qyrkúiekke josparlanǵan.
