QR Energetika ministri Bolat Aqsholaqov Prezident Qasym-Jomart Toqaevtyń Úkimettiń keńeitilgen otyrysynda bitým tapshylyǵyn joiý týraly tapsyrmasyn qalai oryndaitynyn málim etti, dep habarlaidy QazAqparat.
«Jol bitýmynyń tapshylyǵyn joiý tapsyryldy. Tehnikalyq otandyq bitým óndirýshilerdiń óndiristi 300 myń tonnaǵa ulǵaitýǵa múmkindigi bar. Nátijesinde jyl saiynǵy jiyntyq qýat jylyna 1,2 – 1,3 mln tonnany quraityn bolady, bul ishki naryqtyń qajettiligin tolyqtai jabady.
Tapshylyq bitýmdy birkelki almaý sebebinen týyndaidy, atap aitqanda qysqy-kóktemgi kezeńde bitým óndirýge is júzinde ótinim túspeidi», - degen ministr Bitým satyp alý úshin jalǵyz jetkizýshi retinde QazAvtoJoldy anyqtaý usynylatynyn aitty.
Vedomstvo basshysy dizel otynyna saralanǵan baǵa belgileýdiń birneshe nusqasy qaralyp jatqanyn atap ótti.
«Dizeldiń shyǵarylýyna jáne tutyný sýbektisine qarai saralaý boiynsha tásilder zerdelenetin bolady. Budan basqa, shekaralas aimaqtarda ornalasqan janarmai quiý stantsiialary, sondai-aq ortasha ólshengen baǵamen importtyq dizel otynyn ótkizý úshin saralanǵan baǵa belgileýdiń nusqalary qarastyrylatyn bolady. Tiisti sheshim jaqyn arada sizdiń qaraýyńyzǵa engiziledi», - dedi Bolat Aqsholaqov.
