قر ەنەرگەتيكا مينيسترٸ بولات اقشولاقوۆ پرەزيدەنت قاسىم-جومارت توقاەۆتىڭ ٷكٸمەتتٸڭ كەڭەيتٸلگەن وتىرىسىندا بيتۋم تاپشىلىعىن جويۋ تۋرالى تاپسىرماسىن قالاي ورىندايتىنىن مەلٸم ەتتٸ, دەپ حابارلايدى قازاقپارات.
«جول بيتۋمىنىڭ تاپشىلىعىن جويۋ تاپسىرىلدى. تەحنيكالىق وتاندىق بيتۋم ٶندٸرۋشٸلەردٸڭ ٶندٸرٸستٸ 300 مىڭ تونناعا ۇلعايتۋعا مٷمكٸندٸگٸ بار. نەتيجەسٸندە جىل سايىنعى جيىنتىق قۋات جىلىنا 1,2 – 1,3 ملن توننانى قۇرايتىن بولادى, بۇل ٸشكٸ نارىقتىڭ قاجەتتٸلٸگٸن تولىقتاي جابادى.
تاپشىلىق بيتۋمدى بٸركەلكٸ الماۋ سەبەبٸنەن تۋىندايدى, اتاپ ايتقاندا قىسقى-كٶكتەمگٸ كەزەڭدە بيتۋم ٶندٸرۋگە ٸس جٷزٸندە ٶتٸنٸم تٷسپەيدٸ», - دەگەن مينيستر بيتۋم ساتىپ الۋ ٷشٸن جالعىز جەتكٸزۋشٸ رەتٸندە قازاۆتوجولدى انىقتاۋ ۇسىنىلاتىنىن ايتتى.
ۆەدومستۆو باسشىسى ديزەل وتىنىنا سارالانعان باعا بەلگٸلەۋدٸڭ بٸرنەشە نۇسقاسى قارالىپ جاتقانىن اتاپ ٶتتٸ.
«ديزەلدٸڭ شىعارىلۋىنا جەنە تۇتىنۋ سۋبەكتٸسٸنە قاراي سارالاۋ بويىنشا تەسٸلدەر زەردەلەنەتٸن بولادى. بۇدان باسقا, شەكارالاس ايماقتاردا ورنالاسقان جانارماي قۇيۋ ستانتسييالارى, سونداي-اق ورتاشا ٶلشەنگەن باعامەن يمپورتتىق ديزەل وتىنىن ٶتكٸزۋ ٷشٸن سارالانعان باعا بەلگٸلەۋدٸڭ نۇسقالارى قاراستىرىلاتىن بولادى. تيٸستٸ شەشٸم جاقىن ارادا سٸزدٸڭ قاراۋىڭىزعا ەنگٸزٸلەدٸ», - دەدٸ بولات اقشولاقوۆ.
