Biyl sáýirde Bishkek qalasynda urlanyp, keiin óli tabylǵan qyz zorlanǵany belgili boldy, - dep habarlaidy Tengrinews.kz.
Bishkek Ishki ister bas basqarmasynyń baspasóz qyzmetiniń málimetinshe, sotaldy tergeý aldymen QK-niń 175-baby ("Nekege turý maqsatynda adam urlaý") boiynsha tirkelgen, biraq keiinnen jinalǵan materialdarǵa sáikes qaita qaraldy.
"QK-niń 170-babyna ("Adam urlaý") ózgertildi, sondai-aq kúdiktige QK-niń 170-baby ("Adam urlaý"), 161-baby ("Zorlaý") jáne 130-babynda ("Adam óltirý") kózdelgen qylmysty jasady degen kúdik bary syrttai habarlandy", - dedi vedomstvodaǵylar.
Qazirgi ýaqytta sotqa deiingi is Bishkektiń Pervomai aýdandyq sotynyń qaraýynda jatyr.
"Odan bólek, QR Ulttyq qaýipsizdik memlekettik komitetiniń Bishkek qalalyq basqarmasy militsiianyń jekelegen qyzmetkerlerine qatysty QK-niń 331-baby ("Nemquraidylyq") boiynsha sotaldy tergeý júrgizip jatyr", - delingen habarlamada.
Eske salaiyq, Bishkekte Aizada esimdi 5 sáýirde birneshe er adam urlap áketken. Urlaý sáti beinebaqylaý kameralaryna túsip qalǵan. Alaida Aizadany politsiia qyzmetkerleri emes, dalada júrgen shopan tapqan. Aldyn ala málimet boiynsha, kúdikti onymen sózge kelispei, qylǵyndyryp, artynsha óz-ózine qol jumsaǵan.
