úgin Bishkek qalalyq sotynyń kóshpeli otyrysynda Atambaevty Qyrǵyzstannyń Memlekettik UQK tergeý izoliatorynda ustaý sharasyn qarady, dep habarlaidy Kabar agenttigi.
Otyrysta sot bultartpaý sharasyn ózgertken joq. Burynǵy prezident 26 tamyzǵa deiin izoliatorda bolady.
Eske sala keteiik, Qyrǵyzstannyń burynǵy prezidenti birneshe bap boiynsha aiyptalyp otyr. Atap aitqanda, Atambaev: Bishkek jylý energiia stansasyn jańǵyrtý kezinde sybailas jemqorlyqqa jol berdi, Bishkek jylý energiia stansasyna kómir jetkizýde sybailas jemqorlyqqa jol berdi, zańsyz jolmen tabystaryn arttyrdy («Forým» ǵimaraty isi), Geologiia agenttiginiń jekelegen laýazymdy tulǵalarymen birge litsenziia berý boiynsha sybailas jemqorlyqqa jol berdi degen kúdikke ilikken.
Budan bólek, bas prokýror Otkýrbek Djamshitov Atambaev qarý paidalaný, jappai tártipsizdik uiymdastyrý, tergeýge kedergi jasaý, adamdardy kepilge alý, adam óltirýdi uiymdastyrý, adam óltirýge áreket jasaý baptary boiynsha kúdikke ilingen málimdegen.
Qyrǵyzstannyń memlekettik ulttyq qaýipsizdik komitetiniń tóraǵasy Orozbek Opýmbaev Qyrǵyzstannyń burynǵy prezidenti Almazbek Atambaev tóńkeris jasamaqshy boldy degen edi.
