ٷگٸن بٸشكەك قالالىق سوتىنىڭ كٶشپەلٸ وتىرىسىندا اتامباەۆتى قىرعىزستاننىڭ مەملەكەتتٸك ۇقك تەرگەۋ يزولياتورىندا ۇستاۋ شاراسىن قارادى, دەپ حابارلايدى كابار اگەنتتٸگٸ.
وتىرىستا سوت بۇلتارتپاۋ شاراسىن ٶزگەرتكەن جوق. بۇرىنعى پرەزيدەنت 26 تامىزعا دەيٸن يزولياتوردا بولادى.
ەسكە سالا كەتەيٸك, قىرعىزستاننىڭ بۇرىنعى پرەزيدەنتٸ بٸرنەشە باپ بويىنشا ايىپتالىپ وتىر. اتاپ ايتقاندا, اتامباەۆ: بٸشكەك جىلۋ ەنەرگييا ستانساسىن جاڭعىرتۋ كەزٸندە سىبايلاس جەمقورلىققا جول بەردٸ, بٸشكەك جىلۋ ەنەرگييا ستانساسىنا كٶمٸر جەتكٸزۋدە سىبايلاس جەمقورلىققا جول بەردٸ, زاڭسىز جولمەن تابىستارىن ارتتىردى («فورۋم» عيماراتى ٸسٸ), گەولوگييا اگەنتتٸگٸنٸڭ جەكەلەگەن لاۋازىمدى تۇلعالارىمەن بٸرگە ليتسەنزييا بەرۋ بويىنشا سىبايلاس جەمقورلىققا جول بەردٸ دەگەن كٷدٸككە ٸلٸككەن.
بۇدان بٶلەك, باس پروكۋرور وتكۋربەك دجامشيتوۆ اتامباەۆ قارۋ پايدالانۋ, جاپپاي تەرتٸپسٸزدٸك ۇيىمداستىرۋ, تەرگەۋگە كەدەرگٸ جاساۋ, ادامداردى كەپٸلگە الۋ, ادام ٶلتٸرۋدٸ ۇيىمداستىرۋ, ادام ٶلتٸرۋگە ەرەكەت جاساۋ باپتارى بويىنشا كٷدٸككە ٸلٸنگەن مەلٸمدەگەن.
قىرعىزستاننىڭ مەملەكەتتٸك ۇلتتىق قاۋٸپسٸزدٸك كوميتەتٸنٸڭ تٶراعاسى وروزبەك وپۋمباەۆ قىرعىزستاننىڭ بۇرىنعى پرەزيدەنتٸ المازبەك اتامباەۆ تٶڭكەرٸس جاساماقشى بولدى دەگەن ەدٸ.
