Foto: 24.kg
17 mamyr tańerteń kúsh qurylymdarynyń arnaiy operatsiiasy júrgizilgen Bishkek irgesindegi aýyldaǵy qorshaý alynyp tastaldy, - dep habarlaidy Tengrinews.kz saity 24.kg agenttigine silteme jasap.
Eske salaiyq, qarýly qylmysker Dmitrievka aýylyndaǵy jeke úilerdiń birinde arnaiy jasaq qyzmetkerlerine qarsylyq kórsetken. Qaýipsizdik qyzmetkerleriniń aitýynsha, qazir oqiǵa ornynda tergeý toby men saperlar jumys istep jatyr.
Arnaiy operatsiia júrgizilip, qylmysker ustalǵan úi tolyqtai derlik órtenip ketti. Onyń ainalasy men kórshiles kósheler qorshaýǵa alynǵan.
Úi iesiniń ápkesi er adamnyń osydan birneshe kún buryn áiel balasymen Osh qalasynan aýylǵa kelgenin aitty.
"Bul meniń ápkemniń úii. Ol Reseide turady. Únemi jaldaýshylarǵa jalǵa beredi. Úsh-tórt kún buryn áieli men balasy bar er adam osy úige kóship keldi. Qarapaiym adamdar sekildi kórindi. Mańdaiynda "terrorist" ekeni jazylyp turmaǵan soń qaidan bileiik onyń kim eken. Bulai bolady dep kim oilady deisiz. Aqshasyn aldyn-ala tólegen soń úige kirgizdik. Al qazir búkil úi órtenip ketti. Politsiia ony basyp alýǵa kelgende áieli men balasyn alyp shyǵyp granatalardy laqtyra bastady, búkil úi opyrylyp qulady", - dedi Marina Musaeva.
