© Sputnik / Sanat Imangaliev
Bishimbaevpen birge sottalǵan Baqytjan Baijanov merziminen buryn bosatýdy suraǵan joq. Bul týraly ishki ister ministri Erjan Sádenov aitty, dep habarlaidy Ult.kz Sputnik Qazaqstan-ǵa silteme jasap.
Byltyr eks-ministr Qýandyq Bishimbaev asa qatygezdikpen adam óltirgeni úshin 24 jylǵa bas bostandyǵynan aiyryldy. Al onyń týysy Baqytjan Baijanov asa aýyr qylmysty jasyrǵany úshin 4 jylǵa túrmege toǵytyldy. Búginde Baijanov merziminen buryn shartty bosatýǵa ótinish bere alady. Biraq ondai ótinish túsken joq.
"Bishimbaevtyń týysy jaiynda aitar bolsaq, odan eshqandai materialdar túsken joq. Eger ol merziminen buryn bosatýǵa qatysty ótinish berse, árine, bári zań aiasynda qaralady", - dedi Sádenov jýrnalisterge bergen suhbatynda.
Aita keteri, merziminen buryn shartty bosatý týraly ótinish túrme ákimshiliginiń atyna jazylady. Al ákimshilik sottalǵan adamnyń minezdemesin jasaidy. Sol kezde túrmede alǵan diplomdar jáne taǵy basqa yntalandyrý sharalary eskeriledi. Odan keiin barlyq material sotqa joldanady.
