"Bishimbaev Núkenovany judyryqpen urǵan joq, basynan tepken joq, esh jerde mundai faktiler joq, esh jerde kórsetilmegen, ortasha aýyrlyqtaǵy densaýlyqqa ziian keltirmegen", – dedi advokattardyń biri.
Onyń aitýynsha, sot-meditsinalyq saraptamanyń qorytyndysy boiynsha Saltanattyń ólimi jedel sýbdýraldy gematomamen birge júretin jabyq mi jaraqatynan bolǵan, al bul jaraqat oda tragediiaǵa deiin bolǵan.
Bishimbaevtyń advokattary isti QR QK 104-babyna aýystyrýdy suraidy (abaisyzda adam óltirý).
Qýandyq Bishimbaevty QR QK 110-babynyń 1-tarmaǵy, 2-bóligi (azaptaý), QR QK 99-babynyń 5-tarmaǵy, 2-bóligi (asa qatygezdikpen jasalǵan kisi óltirý), 14-baby 2-bóligi (asa aýyr qylmystyń qaitalanýy) boiynsha aiyptap jatyr.
Aǵasy Baqytjan Baijanovty QR QK 432-baby (qylmysty jasyrý) jáne QR QK 434-baby (Qylmys týraly habarlamaý) boiynsha aiyptalýda.
Burynǵy ministr Qýandyq Bishimbaev kisi óltirý boiynsha kinásin moiyndamady. Qorǵaýshy tarap qylmystyq isti prokýrorǵa tergeýge qaitarýdy suraidy.
