Ulttyq ekonomika ministri Qýandyq Bishimbaev Qazaqstannyń memlekettik boryshy 10,9 trln teńgege jetkenin jáne onyń budan ári ósýine jol bermeitinin aitty. Bul týraly ministr Májiliste «Nurly jol» memlekettik baǵdarlamasynyń júzege asý barysyna arnalǵan Úkimet saǵatynda málimdedi, dep habarlaidy BNews.kz tilshisi.
«UEM aldyna memlekettik boryshtyń ósýine jol bermeý mindetin qoiady. Búgingi kúni Qazaqstannyń memlekettik boryshy álemniń basqa elderimen salystyrǵanda tómen deńgeide. 2016 jyldyń 1 shildesindegi jaǵdai boiynsha jiyntyq memlekettik borysh 10,9 trln teńgege jetti. Bul – 2016 jylǵy JIÓ-ge shaqqanda 24,6 paiyz, onyń ishinde ishki borysh JIÓ-ge shaqqanda 13,5 paiyz jáne syrtqy borysh JIÓ-ge shaqqanda 11,1 paiyz», - deidi ministr.
Onyń aitýynsha, 2017-2019 jyldary memlekettik boryshty qolaily deńgeide ustap turý úshin respýblikalyq biýdjet tapshylyǵyn 2017 jyly 1,2 paiyzǵa, 2019 jylǵa qarai 1,0 paiyzǵa deiin tómendetý josparlanyp otyr.
