Foto: ©️ Tengrinews.kz
Qylmys bolǵan "Bau" meiramhanasy ornalasqan Gastro ortalyq direktory 2 aiǵa qamaýǵa alyndy, dep habarlaidy "Ult aqparat" Astana qalasy politsiia departamentine silteme jasap.
"Bau" meiramhanasynda áieldi óltirý faktisin tergeý aiasynda Gastro ortalyq direktoryna qatysty bultartpaý sharasy – 2 aiǵa qamaýǵa alý sanktsiialandy" - delingen habarlamada.
Aita keteiik, ol qylmysty jasyrdy degen kúdikke ilingen (QR QK 432-baby).
Vedomstvo málimetinshe, tergeý jalǵasyp jatyr, sondai-aq ózge aqparat tergeý múddesine bailanysty jariia etilmeidi.
Eske sala keteiik, 9 qarashada burynǵy ulttyq ekonomika ministri Qýandyq Bishimbaevtyń elordadaǵy meiramhanalardyń birinde áielin uryp óltirgeni týraly taraǵan habar qoǵamda rezonans týdyrǵan edi.
Astana qalasynyń Politsiia Departamenti sol kúni meiramhanadaǵy janjaldyń saldarynan alǵan dene jaraqattarynan bir áieldiń qaitys bolǵanyn rastaǵan. Alaida oqiǵaǵa qatysty qandai da bir aqparat bergen joq: zardap shegýshiniń atyn ataǵan joq.
Keiinnen Ishki ister ministrligi Astana meiramhanasyndaǵy kisi ólimi boiynsha Qýandyq Bishimbaevtyń ustalǵanyn rastady.
Sondai-aq Bishimbaevqa qatysty 2 ai merzimge qamaýǵa alý týraly bultartpaý sharasy taǵaiyndaldy.
