Joǵarǵy sot ókilderi eks-ministr Qýandyq Bishimbaevtyń sotyna qatysty alqabilerdi irikteý qalai júretinin túsindirdi, - dep habarlaidy "Ult aqparat" Massaget.kz basylymyna silteme jasap.
"Aldyn ala tyńdaýdan keiin sot alqabilerdi tańdaýǵa kirisedi. Otyrysta 12 adamnan turatyn (10 negizgi, 2 qosalqy, eger keibireýleri aýyryp qalsa nemese kútpegen jaǵdailar týyndasa) alqabiler alqasy qalyptastyrylady.
Osy maqsatta sottyń suraýy boiynsha "Azamattarǵa arnalǵan úkimet" aqparattyq júiesi arqyly avtomatty túrde qalyptastyrylǵan bastapqy tizimdegi 300-ge jýyq adam sotqa shaqyryldy", - deidi Joǵarǵy sottyń kommýnikatsiia bóliminiń meńgerýshisi Perizat Sádýaqas.
Aqparattyq júie zań talaptaryna sáikes keletin (25 jastan 65 jasqa deiin jáne t.b.) azamattardy tizimge kezdeisoq túrde engizedi.
"Aiyptaýshy jáne qorǵaýshy taraptyń qatysýymen ótetin otyrysqa kelgen azamattardyń arasynan qandaida bir sebeptermen alqabilerdiń mindetin atqara almaityn (sottylyǵy alynbaǵan nemese sottylyǵy bar, protsesske qatysýshylarmen týystyq qarym-qatynasynyń bolýy, psihikalyq, minez-qulyq buzylystarymen bailanysty densaýlyq saqtaý uiymdarynda tirkeýde turǵandar, sot isi tilin bilmeitin tulǵalar jáne t.b.) tulǵalardy tekserý júrgiziledi.
Qosalqy alqabiler de sot otyrysyna qatysýǵa mindetti, biraq keńesý bólmesine 10 negizgi alqabi men 1 sýdia barady. Alqabiler alqasyna qandai da bir jolmen yqpal etýge bolmaidy.
Alqabige sottaǵy óz mindetterin atqarý kezeńinde sýdialardyń táýelsizdiginiń kepildikteri beriledi", - deidi Perizat Sádýaqas.
Sondai-aq alqabilerdi irikteý rásimi jabyq sot otyrysynda ótýi zań júzinde bekitilgen. Alqabiler, sondai-aq olardyń otbasy músheleri men jaqyn týystary memlekettiń qorǵaýynda bolady.
