Foto: altyn-orda.kz
Qýandyq Bishimbaevtyń burynǵy áieli Nazym Qaharman eks-kúieýiniń týǵan kúnine jasaǵan kútpegen “syiy” týraly Instagram paraqshasynda bólisti. Aitýynsha, ol dál týǵan kúniniń tańynda burynǵy jubaiynan eki birdei sotqa shaqyrtý qaǵazyn alǵan, dep habarlaidy Ult.kz.
«Ol bul qujattardy maǵan erterek jetkizý úshin jedel jetkizý qyzmetin rásimdepti. Bir jyl buryn ata-ana quqyqtarynan aiyrý isi qaralǵan kezde, sot ony senimhat berýge mindettegen bolatyn. Ol senimhatty bergenimen, ol nebári on ai ǵana kúshinde boldy. Al tamyz aiynyń sońynda ol senimhatty tolyq qaitaryp aldy. Endi balalardyń atyna berilgen kelisimin de keri qaitaryp jatyr. Bul – balalardyń saiahattaýyna, shetelge shyǵýyna kedergi jasaý úshin jasalyp otyrǵan áreket», – dedi Nazym.
Onyń aitýynsha, Bishimbaev bul qadamǵa balalardy ózimen sóilesýge májbúrleý jáne qysym kórsetý maqsatynda baryp otyr.
Nazym Qaharman bul talap-aryzdardy quqyqtyq daýdan góri psihologiialyq qysym retinde qabyldaitynyn atap ótti.
«Ókinishke qarai, mundai adamdardan qutylý óte qiyn. Olar sońyna deiin jabysyp alady, ásirese sen adal bolyp, kóp jaqsylyq jasasań. Mundai adamdar óz erkimen kete salmaidy. Biyl ózime eń úlken tilek – osy adamdardan tolyq qutylý», – dedi ol.
Aita keteiik, Nazym Qaharman men eks-ministr Qýandyq Bishimbaev 14 jyl otasqan. Erli-zaiyptylardyń úsh balasy bar. Olar Bishimbaevtyń sybailas jemqorlyq isimen túrmeden bosap shyqqanynan keiin, 2020 jyly ajyrasqan.
