Ulttyq biýro ókilderi ulttyq ekonomika eks-ministri Qýandyq Bishimbaevtyń isine qatysty jańa mán-jailardy aitty, - dep habarlaidy "Ult aqparat" kaz.tengrinews.kz portalyna silteme jasap.
"Qýandyq Bishimbaevqa segiz ret para aldy jáne 1,2 milliard teńgege qarajat jymqyrdy degen aiyp taǵylyp otyr. 346 million teńge kólemindegi somanyń jeti parasy "Nurly jol" memlekettik baǵdarlamasynyń aiasyndaǵy jaldamaly baspana qurylysyna bólingen qarajat. Bishimbaev Qosshy aýylynda úi salǵan. Úidiń aýdany 500 sharshy metr, baǵasy 400-500 myń dollar. Bul onyń alyp jatqan parasynyń bóligi", - dedi Ulttyq biýronyń tergeý departamenti jetekshisiniń orynbasary Olesia Keksel.
Búgin ulttyq ekonomika eks-ministri Qýandyq Bishimbaevtyń isi sotqa joldanǵany habarlanǵan edi.
Eske salaiyq, Sybailas jemqorlyqqa qarsy is-qimyl ulttyq biýrosynyń ókilderi QR Ulttyq ekonomika ministrligin basqarǵan Qýandyq Bishimbaevtyń ustalǵanyn habarlaǵan bolatyn. "Bishimbaev top bolyp, aldyn ala kelisim jasaý arqyly asa iri kólemde birneshe ret para alyp otyrǵan. Zańsyz alǵan qarajatty Bishimbaev óz qajetine jaratqan", - dep habarlaǵan edi Antikorrýptsiia qyzmetiniń ókilderi.
8 aiǵa jýyq ministr bolǵan Bishimbaev Astana qalalyq IID-niń ýaqytsha tergeý ustaý izoliatoryna qamalǵan edi.
