Biryńǵai jinaýqtaýshy zeinetaqy qory Úkimeti aiqyndaǵan Otbasy banki, «Bank TsentrKredit», Altyn Bank jáne Qazaqstan Halyq banki sekildi ýákiletti operatorlarmen kelisim jasady, dep habarlaidy "Ult aqparat" qordyń baspasóz qyzmetine silteme jasap.
Baspasóz qyzmetiniń málimetinshe, zańnamada turǵyn úi jaǵdailaryn jaqsartý jáne (nemese) emdelýge aqy tóleý maqsatynda BJZQ-dan birjolǵy zeinetaqy tólemderin alý úshin salymshylardyń ýákiletti operatordyń internet resýrsynda elektrondy ótinish toltyra otyryp, QR Úkimeti aiqyndaǵan ýákiletti operatorlarǵa júginetini kózdelgen.
«Salymshy ótinishinde birjolǵy zeinetaqy tólemderin paidalaný maqsatyn jáne maqsatty paidalanýǵa jiberiletin qoljetimdi somany kórsetedi. Ýákiletti operator salymshynyń ótinishin qarap, ony maquldaý týraly sheshim qabyldaidy. Sondai-aq, birjolǵy zeinetaqy tólemderin qordan ýákiletti operatorda ashylǵan salymshynyń arnaiy shotyna aýdarý boiynsha BJZQ-men ózara is-qimyldar júrgizip, birjolǵy zeinetaqy tólemderiniń nysanaly paidalanylýyna monitoring jasaidy», delingen habarlamada.
Qor men ýákiletti operatorlar arasyndaǵy ózara is-qimyl elektrondy aqparat almasý arqyly jáne ózara is-qimyl týraly tiisti kelisim negizinde júzege asyrylady.
«Kelisim ýákiletti operator men BJZQ arasynda birjolǵy zeinetaqy tólemderin esepke alý, aýdarý jáne qaitarý máselesi boiynsha aqparattyq ózara is-qimyl jasaý jáne aqparat almasý tártibin, sondai-aq, aqparattyń qupiialylyǵyn saqtaý jónindegi sharttar men mindettemelerdi qosa alǵanda, kelisim taraptarynyń árqaisysynyń mindetteri men jaýapkershiligin aiqyndaidy», delingen habarlamada.
Aita keterligi, qor men ýákiletti operatordyń aqparattyq júiesiniń biriktirilýi «elektrondy úkimet» portalyndaǵy integratsiialyq servis arqyly júzege asyrylady.
