Búgin 1 jeltoqsan - QR Tuńǵysh Prezidenti kúnine orai Túrkistan oblysyndaǵy tuńǵysh Mediatsiiany damytý ortalyǵynyń «Biryńǵai qyzmet kórsetý ofisi» Otyrar aýdanynda ashyldy.
Saltanatty sharaǵa aýdan ákiminiń orynbasary Perdehan Japparqulov ashyp, aitýly merekemen jáne Biryńǵai qyzmet kórsetý ofisiniń ashylýymen jiylǵan kópshilikti quttyqtady.
Jiynda aýdandyq sottyń tóraǵasy Ákimbek Janasov pen «Mediatsiiany damytý ortalyǵy» respýblikalyq qoǵamdyq birlestiginiń Túrkistan oblysy jáne Shymkent qalasy boiynsha ókildiginiń direktory Laýra Aqshegirovalar sóz alyp, eldiń igiligi jolynda ashylǵan ortalyq jaqsylyqtyń jarshysy jáne igi isterdiń bastamasy bolatyndyǵyna senim bildirdi.
Munan soń jańa ortalyqtyń ashylýyna orai saltanatty túrde lantasy qiylyp, qonaqtar kabinettermen tanysyp shyqty.
Arnaýly orynda tájiribeli maman, kásibi mediator Erjan Arysbaev turǵyndarǵa sapaly qyzmet kórsetse, aldaǵy ýaqytta eńbek, otbasylyq, qarjylyq daýlarǵa dýshar bolǵandarǵa tájirbiesi men biliktiligi ushtasqan mamandar quqyqtyq jáne psihologiialyq qyzmetter kórsetpek.
Tús aýa elimizge belgili mediator Laýra Aqshegirova aýdan turǵyndarymen kezdesý ótkizip, elimizde qabyldanǵan «Mediatsiia týraly» Zańǵa, Zańnan týyndaǵan mindetterge toqtaldy. Bitimshgershilik arqyly eki jaqtyń mámilege kelýi – qazaqtyń álimsaqtan kele jatqan biler sotyndaǵy eń týra joldyń biri. Elder arasyndaǵy jer, jesir, mal daý-damailary qazaq bileri arqyly sheshilgen, osynyń arqasynda eldiń birligi men jerdiń tutastyǵy saqtalǵan. Iaǵni, jer daýy men jesir daýy, qun óndirý sekildi bitispestiń bitimin kesip aitatyn, tolǵaqty dúnieni toǵyz aýyz sózben túiindep, tatýlastyryp tarqatatyn babamyzdyń bilik jasaý óneri, daý sheshýdiń ozyq júiesi «Mediatsiia» ataýymen enýde. Laýra Muratqyzy QR «Mediatsiia týraly» Zańy óz deńgeiinde jumys jasaǵan rette daýdyń bitimgershilik jolmen eki jaqqa birdei tiimdi sheshilýine, jeke jáne zańdy tulǵalardyń quqyqtary men múddelerin qorǵaýǵa, sondai-aq qylmystyq quqyqtaǵy jeńil dárejedegi qylmystar boiynsha jábirlenýshiler men aiyptalǵandardyń keshirimge kelýine, qylmystyq quqyqty izgilendirýge erekshe úles qosatynyn jetkizdi.
Kezdesý sońynda «Mediatsiiany damytý ortalyǵynyń» ókilderi Otyrar aýdany ákimdigimen jáne Otyrar aýdandyq sotymen memorandýmǵa qol qoiyp, turǵyndar arasynda birlese otyryp quqyqtyq jumystar júrgizý jóninde kelisimge keldi.
