Jer reformasy jónindegi komissiianyń birinshi otyrysynda qoǵam qairatkeri Muhtar Taijan kepildikte turǵan jerlerge qatysty usynys aitty, dep habarlaidy "Ult aqparat".
«Kelesi meniń usynysym, biryńǵai agrarlyq salyǵyna qatysty. Búgingi tańda adam jerdi bos ustaityn bolsa, jer salyǵy óte tómen. Al eger jumys isteitin bolsa, qosymsha 7-8 salyq qosalady. Iaǵni, salyq jaǵynan, ekonomikalyq jaǵynan jumys isteý tiimsiz. Sondyqtan biryńǵai agrarlyq salyq engizýimiz kerek», - dedi qoǵam qairatkeri.
Osy oraida ol fermer jerdi qaitarýǵa nemese sol alqapty igerýge májbúr bolatynyn aitty.
Sonymen qatar Muhtar Taijan kelesi úlken problema bankterde turǵan jerlerge qatysty ekenin, aýqymdy alqap bankterde kepildikte turǵanyn jetkizdi.
«Bul - óz kezeginde úlken problema. Osy oraida memleket, Úkimet birjaqty túrde osy kelisimsharttardy buzyp, memlekettik qajettilik turǵysynda sol jerlerdi memleket menshigine qaitarýy kerek», - dedi ol.
Odan bólek qoǵam qairatkeri jer boiynsha qosalqy jalgerlikke jol berilmeýi kerek ekenin basa aitty.
«Kelesi másele – ol sýbarenda. Qosalqy jalgerlikke jol berilmeýi kerek, iaǵni ol latifýndisterdiń negizi. Sýbarendaǵa jol berilse, onda jergilikti halyq eshqashan sol jerge qol jetkize almaidy», - dedi Taijan.
Sonymen qatar ol jer komitetiniń (QR AShM Jer resýrstaryn basqarý komiteti) kúshi álsiz ekenin, óitkeni jergilikti jer inspektorlary ákimderge qaraitynyn eskertti. Ákimder bir qolmen jerdi bóledi de, ekinshiden, ony ózi baqylap otyrady.
Qoǵam qairatkeriniń aitýynsha, jer inspektorlary, iaǵni baqylaý fýnktsiialary tiisti qurylymnyń qaramaǵynda bolýy kerek. Bul qurylymdy Aýyl sharýashylyǵy ministrliginen shyǵaryp, tikelei Prezidentke baǵyndyrǵan durys bolady.
«Sonda ǵana elimizdegi jer alqaptary boiynsha tártip ornatylady dep úmittenemin», - dedi Muhtar Taijan.
