Epidemiologiialyq jaǵdaidy eskere otyryp, karantin sharalary birtindep bosańsýy kerek. Bul týraly onlain baspasóz máslihatynda Qazaqstannyń bas memlekettik sanitar dárigeri Aijan Esmaǵambetova málim etti, dep habarlaidy QazAqparat.
«Epidemiologiialyq jaǵdaidy eskere otyryp, karantin sharalary birtindep bosańsýy kerek. Osy oraida biz birtindep qalypty ári jaily ómirge kóshýimiz kerek. Degenmen karantindik sharlardy jeńildetý kezeń-kezeńmen iske asyrylady, iaǵni jaǵdaiǵa qarai bolady», - dedi A. Esmaǵambetova.
Osy oraida ol karantin sharalary indetke shaldyǵýdyń kúrt ósýine tosqaýyl bolǵanyn, meditsinalyq júiege júktemeni azaitqanyn jetkizdi.
«Karantindik sharalardy jeńildetý birtindep iske asyrylady. Birinshi kezekte adamdardyń tyǵyz ári uzaq qarym-qatynasy baiqalmaityn nysandar iske qosylýda. Osyny eskere otyryp, tiisti qaýlyda algoritmdi aiqyndadyq», - dedi Qazaqstannyń bas memlekettik sanitar dárigeri.
Budan buryn habarlanǵandai, A. Esmaǵambetova karantindik sharalar óziniń nátijesin bergenin atap qtti. Sońǵy eki aptanyń barysynda turaqty epidemiologiialyq jaǵdaidy tirkelgen.
