Densaýlyq saqtaý ministrliginiń burynǵy basshysy Eljan Birtanovtyń advokaty Nurlan Beisekeev sýdia Ibragim Álkenovtiń protsesti júrgizýine taǵy da qarsylyq bildirdi. Degenmen ol talaby maquldanbady, dep habarlaidy QazAqparat.
Qorǵaýshynyń aitýynsha, bul joly qarsylyq bildirýine sýdianyń zardap shegýshi taraptyń ókilin isten shettetý týraly ótinishten bas tartqany sebep bolǵan.
Qorǵaýshy Erjan Birtannyń sózine qaraǵanda, Asqar Aqbaev – Qazaqstannyń Densaýlyq saqtaý ministrligi men Ericsson Nicola Tesla kompaniiasynyń arasyndaǵy kelisimshartqa qol qoiǵan adamnyń biri.
Sondyqtan zardap shegýshi taraptyń ókili retinde emes, kýáger retinde ǵana protseske qatysa alady.
Qorǵaýshy taraptyń ótinishin qaraǵan sýdia bul talapty qanaǵattandyrmai tastady.
«Sýdia Álkenovti bul isti qaraýdan shettetýge negiz bolatyn sebep kórmedim. Óitkeni buǵan deiin de qorǵaýshy tarap dál osyndai talap qoiǵan bolatyn. Aqbaevtan kýáger retinde jaýap alyp, zardap shegýshi taraptyń ókili retinde qatystyrmaý týraly ótinish túsirgen. Sot bul jait sýdia Álkenovti isti qaraýdan shettetýge negiz bola almaidy dep esepteidi», - dep túsindirdi №2 Saryarqa aýdandyq sotynyń sýdiasy Sabyrjan Kárimov.
Búgin Birtanov isine qatysy bar aǵylshyn tilindegi qujattardy orysshaǵa aýdaratyn maman tańdalýy kerek bolǵan.
Advokat Nurlan Beisekeev sýdia Ibragim Álkenovtiń aýdarmashyǵa kásibi biliktiligine qatysty suraq qoiýyna tyiym salǵanyna da narazylyq bildirdi.
Aitýynsha, sýdianyń advokattarǵa iske qatysty qujattardy aǵylshyn tilinen orysshaǵa aýdarǵan mamannyń biliktiligine qatysty suraq qoiýyna tyiym salýy qylmystyq-protsessýaldyq zańnamaǵa qaishy.
Ótken otyrysta aýdarmashy eks-ministr men burynǵy vitse-ministr Oljas Ábishevtiń advokattary aýdarmashyny suraqtyń astyna alyp, ol iske qatysýdan bas tartqan bolatyn.
Osyny alǵa tartqan sýdia advokattardyń aýdarmashyǵa kásibi biliktiligi týraly suraq qoiýyna tyiym salǵan.
Eske salsaq, burynǵy densaýlyq saqtaý ministri Eljan Birtanov 2020 jyldyń 3 qarashasynda biýdjet qarajatyn ysyrap etti degen kúdikpen qamaýǵa alynǵan bolatyn.
Tergeý materialy boiynsha, Eljan Birtanov pen onyń orynbasary Oljas Ábishevke Ericsson Nicola Tesla kompaniiasynyń qyzmetin paidalaný kezinde «laýazymdyq ókiletin teris paidalaný» arqyly memleketke 1,5 mlrd teńgeniń shyǵyny keltirdi degen aiyp taǵylyp otyr.
Al biyl 12 mamyrda sot Eljan Birtanovqa qatysty qylmystyq isti toqtatýdan bas tartty.
