QR Densaýlyq saqtaý ministri Eljan Birtanov Almaty túbinde ushaqtyń apatqa ushyraýy saldarynan zardap shekken azamattardyń jaǵdaiyn jeke baqylaýyna aldy, dep habarlaidy "Ult aqparat".
«Almaty túbindegi áýe apatynan qaza bolǵandardyń otbasylary men týǵan-týystaryna kóńil aitamyn. Qaiǵylaryńyzǵa ortaqpyn. Aýrýhanadaǵy azamattardyń jaǵdaiy jeke baqylaýymda. Zardap shekkenderdi qajetti meditsinalyq kómekpen jáne dári-dármekpen tolyq qamtamasyz etemiz», - dep jazdy ministr Twitter-degi paraqshasynda.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna bailanysty kóńil aitty.
