Densaýlyq saqtaý ministri Eljan Birtanov koronavirýs juqtyrǵan Almaty qalasynyń Ortalyq qalalyq aýrýhanasynyń qyzmetkerlerine qatysty jaǵdaidy baian etti, dep habarlaidy "Ult aqparat".
«Keshe tańerteń jinalys ótkizip, másele boiynsha negizgi sarapshylardy tyńdadym. Shtabta biz Almatydaǵy Ortalyq qalalyq aýrýhanasynda dárigerlerdiń jappai virýs juqtyrý jaǵdaiyn taǵy bir ret talqyladyq. Shtab jumysynyń qorytyndysy boiynsha men áriptesterimmen onlain rejimde kezdesýdi uiǵardym. Keshke osy emhananyń dárigerlerimen sóilestim. Týyndaǵan máselelerdi tyńdap, syndarly áńgime órbittik. Kezdesýge Almaty qalasy ákiminiń orynbasary Erjan Babaqumarov, Eńbek jáne halyqty áleýmettik qorǵaý ministrliginiń, Almaty qalalyq densaýlyq saqtaý basqarmasynyń basshysy, kásipodaqtardyń densaýlyq saqtaý uiymdarynyń ókilderi jáne aýrýhananyń meditsina qyzmetkerleri qatysty», - dep jazdy ministr Facebook paraqshasynda.
Máselen mynada eken. Ministrdiń jazýynsha aýrýhananyń qyzmetkerleri ústemeaqy alý týrasynda emotsiiaǵa toly jazba qaldyrǵan. Óz sózderinde olar virýsty naýqastardan juqtyrǵanyn kórsetken.
«Osyǵan bailanysty aýrýhana qyzmetkerleri ótemaqy alýǵa úmittenip otyr. Olardyń árbir ótinishin jeke qarastyrdyq. Osy máselege qatysty jaǵdaidyń kúrdeliligin eskerip, alýan túrli pikirdi tyńdap, men jergilikti atqarýshy organdy (ákimdik) jáne qalalyq densaýlyq saqtaý basqarmasyn Eńbek jáne halyqty áleýmettik qorǵaý ministrliginiń 2020 jyldyń 9 sáýirindegi №129 buiryǵyna taǵy bir ret nazar aýdarýǵa shaqyrdym. Ol buiryqta aldyńǵy qatardaǵy dárigerlerge tólenetin jaǵdailardy, jumys ornyndaǵy infektsiialar úshin syiaqylardyń jaǵdailaryn zertteitin jáne túpkilikti sheshim qabyldaýǵa múmkindik beretin komissiialardy qurýǵa barlyq ókilettik berilgen», - dep jazady ministr.
Ministr osy komissiialardyń sheshimi boiynsha ótemaqy beriletinin málim etti. Artynsha COVID-19 juqtyrǵan azamattardyń tizimi «Azamattarǵa arnalǵan úkimet» memlekettik korporatsiiasyna joldanady.
Eljan Birtanov óz sózinde mundai táýelsiz komissiianyń quramyna ákimdiktiń ókilderi, taýarlar men kórsetiletin qyzmetterdiń sapasy men qaýipsizdigin baqylaý departamentiniń (oblystyń bas memlekettik sanitarlyq dárigeri) ókilderi, oblystyń, respýblikalyq mańyzy bar qalanyń jáne astananyń densaýlyq saqtaý jónindegi jergilikti memlekettik organynyń, jumyspen qamtý jáne áleýmettik qorǵaý jónindegi jergilikti basqarma nemese bólimniń, «Nur Otan» partiiasy, meditsina qyzmetkerleriniń múddelerin bildiretin úkimettik emes uiymdardyń ókilderi kiretinin eske saldy.
«Qoǵamdyq pikir kóshbasshylaryn, jýrnalisterdi pikirtalasqa qatysýǵa shaqyramyn. Máseleniń sheshimin tabý úshin bul jerde eń aldymen ashyqtyq kerek. Taǵy bir mańyzdy másele – eger meditsinalyq qyzmetker koronavirýs infektsiiasyn juqtyrýdyń saldarynan karantinde bolsa, olar kiris kózinen aiyrylmaýy kerek. Bári de zańǵa sai tólenýi tiis», - dedi ol.
Eljan Birtanov sonymen qatar komissiia tóraǵasy sol komissiia músheleriniń bergen daýysy boiynsha sailanatynyn jetkizdi. Komissiia tóraǵasy retinde ákimdik qyzmetkerin, atap aitqanda ákimniń orynbasary deńgeiindegi adamdy sailaýǵa keńes berilip otyr.
«Osy komissiia sheshiminen keiin ǵana tólemder boiynsha naqty shara qabyldanady. Jergilikti atqarýshy organnyń jáne densaýlyq saqtaý basqarmasyndaǵy áriptesterden taǵy da suraimyn: Dárigerlerge qiyn kezderde týyndaǵan problemalardy sheshýge kómektesý úshin másele tez arada sheshilse deimiz. Indetke qarsy kostiýmder máselesin jaqyn arada tekseremiz. Bul jerde kez-kelgen aýrýhana basshylyǵy óziniń meditsinalyq qyzmetkerlerin jeke qorǵanys quraldarymen qamtamasyz etýge mindetti ekenin atap ótkim keledi. Qurmetti meditsina salasyndaǵy áriptester, sizden komissiia sheshimi shyqqanǵa deiin tynyshtyq saqtaýyńyzdy suraimyn. Siz karantinde em qabyldap jatyrsyz. Densaýlyǵyńyzǵa muqiiat qarańyz. Tolyq saýyǵý úshin barlyq saqtyq sharasyn qabyldańyz! Siz elge kereksiz!» - dedi Eljan Birtanov.
Ministr resmi túrde Densaýlyq saqtaý ministrligi dárigerlerdi «qurdymǵa iterip jatyr» degen jel sózge senbeýge shaqyrdy.
«Kerisinshe biz meditsina qyzmetkerleriniń ál-aýqatyn esten shyǵarǵan emespiz. Men kez kelgen meditsina qyzmetkerine qulaq asyp, ony qorǵaýǵa daiynmyn! Kezdesý qorytyndysynan keiin ol nietimdi uqtyńyzdar degen oidamyn. Bárińizge rahmet!» - dep túidi ministr.
