QR Densaýlyq saqtaý ministri Eljan Birtanov meditsinalyq uiymdarda sanitarlyq-karantindik sharalar kúsheitilgenin aitty, dep habarlaidy "Ult aqparat".
«Búginnen bastap barlyq meditsinalyq uiymdarda sanitarlyq-karantindik sharalar kúsheitildi. Aýrýhanalarda, meditsinalyq-áleýmettik mekemelerde, qarttar úilerinde, internettarda karantin kúshine enedi. Osy karantin boiynsha bul mekemelerge tek qana sonda jumys isteitin azamattar kirgiziledi, iaǵni bóten adamdar atalǵan oryndarǵa kirgizilmeidi. Sonymen qatar sarnitarlyq-dezinfektsiialyq rejim kúsheitiledi», - dedi ministr onlain formatta ótken baspasóz máslihatynda.
Ministrdiń atap ótýinshe, meditsinalyq mekemelerde dybys jazbasyna foto jáne beine túsirilimge tyiym salynady.
«Barlyqtaryńyzdy bul tótenshe jaǵdaida sabyrlyq saqtaýǵa shaqyramyz. Bul emdeletin infektsiia ekenin bilesizder. Osy oraida qajetti sharalardy uiymdastyrý baǵytynda bizde barlyq jaǵdai bar. Barlyq sanitarlyq jumystar qabyldanyp jatyr. Tiisti suraqtar boiynsha bizdiń arnaiy koll-ortalyqtaǵy 1406 nómiri arqyly jáne ǵalamtordaǵy saittar ári áleýmettik jelilerd boiynsha aqparat alýǵa bolady», - dedi Eljan Birtanov.
Budan buryn habarlanǵandai, Nur-Sultanda koronavirýs boiynsha taǵy 14 jańa naýqas tirkeldi.
Osylaisha, qaýipti indetpen aýyrǵandar sany 27-ge jetti. Onyń ishinde 16 jaǵdai - Nur-Sultanda, 11 fakti - Almatyda tirkelgen.
