Koronavirýstyń taralýyna jol bermeý úshin atalǵan infektsiia órship turǵan elderden kelgen adamdar 14 kún boiy eshkimmen aralaspai, úilerinde otyrýy tiis. Bul jaiynda búgin BAQ ókilderimen kezdesken QR Densaýlyq saqtaý ministri Eljan Birtanov aitty, dep habarlaidy "Ult aqparat".
«Koronavirýs boiynsha eń birinshi mindet olardyń elge ákelýine jol bermeý boldy. Sondyqtan 6 qańtarda úsh kezeńmen kúsheitý jumystary júrgizildi. Sol kúni Qazaqstan men Qytai shekarasynda, 1 aqpannan búkil respýblika shekarasynda monitoring júrgize bastadyq. 20 aqpannan qaýipti elder tizimin ulǵaittyq. Qytaidan bólek oǵan birqatar el kirdi. Bizde shekaradan ótken árbir adamǵa qatysty málimetter bazasy bar. Bireýler «teplovizordan ótpedim, saýalnama toltyrmadym», dep jatady. Mundai biren-saran derek bar. Bul aita qoiarlyqtai úlken problema emes», - dedi ministr.
Onyń atap ótýinshe, kún saiyn árbir óńir ministrlikke esep berip otyrady. Qytaidan keletin adamdar da turaqty monitoringten ótedi. Máselen, osy kúnge deiin Qytaidan kelgen 24 myń adamnyń jartysy 14 kúndik karantinnen ótkennen keiin monitoringten shyǵaryldy.
«Qytaidan kelgen 185 adam adam karatinde jatyr. 1 naýryzdan bastap bizde tizilim keńeitiledi. Oǵan Ońtústik Koreia, Italiia, Iran jáne Japoniia azamattary kiredi. Taǵy da qaitalap aitamyz, biz olardyń barlyǵyn aýrýhanaǵa jatqyzýdy josparlap otyrǵanymyz joq. Naqty aýrý belgisi bar adamdar ǵana meditsinalyq turǵyda oqshaýlanady. Ózderin jaqsy sezingen adamdar úilerinde baqylaýda bolady. Eń mańyzdysy, infektsiianyń elge kelýine jáne onyń taralýyna jol bermeýdiń bir ǵana tásili bar ekenin este ustaý qajet. Ol úshin áleýetti táýekeli bar adamdar eshkimmen bailanysqa shyqpai 14 kún úilerinde bolýy qajet. Óitkeni, ol bireýlermen aralasyp, 10 kúnnen keiin onda aýrý belgileri shyqsa, bizge onymen bailanysta bolǵan adamdardń barlyǵyn izdep taýyp, oqshaýlaýǵa týra keledi», - dedi Eljan Birtanov.
