Densaýlyq saqtaý ministri Eljan Birtanov Qazaqstanda koronavirýs infektsiiasyn juqtyrý kórsetkishi 3-5 paiyz deńgeiinde ekenin málim etti, dep habarlaidy "Ult aqparat".
«Ókinishke qarai, koronavirýs pandemiiasy áli de jalǵasýda. Qazaqstanda da koronavirýs infektsiiasynyń taralýy toqtaǵan joq. Alaida, infektsiianyń taralý qarqyny men odan kóz jumǵandardyń sanyna nazar aýdarsaq, ár eldiń kórsetkishi ártúrli. Qazirgi tańda bizdiń elde koronavirýs juqtyrǵan 10 myńnan astam tirkeldi. Áitse de ósim qarqyny kúnine 3-5 paiyzdy kórsetip otyr. Kórsetkishteri joǵary aimaqtar da bar. Degenmen keibir aimaqta jaǵdai qalypty», - dedi Eljan Birtanov Densaýlyq saqtaý ministrliginiń Facebook paraqshasynda «Habar 24» arnasy tilshisiniń suraǵyna jaýap bere otyryp.
Ministrdiń aitýynsha, Qazaqstanda koronavirýs infektsiiasy boiynsha jaǵdai baqylaýda.
«Keiingi aida qarqynnyń 5 paiyzdan aspaǵanyn baiqadyq. Bul degenimiz koronavirýs infektsiiasy boiynsha jaǵdai Úkimettiń baqylaýynda ekenin bildiredi», - dedi ol.
